ନୂଆଦିଲ୍ଲୀ ୧୦।୧୧: ବିଶ୍ବରେ ରହିଛନ୍ତି ଅନେକ ଜୀବଜନ୍ତୁ । ଏମାନେ ନିଜ ନିଜ ବିଶେଷତ୍ବ ପାଇଁ ଜଣାଯାଆନ୍ତି । ପାକିସ୍ତାନରେ ଏପରି ଏକ ପଶୁ ରହିଛି, ଯିଏକି ସାପମାନଙ୍କର ଶିକାର କରିଥାନ୍ତି । ଏହି ଛେଳିର ନାଁ ହେଉଛନ୍ତି ମାରଖୋର । ସେ ହେଉଛି ପାକିସ୍ତାନର ଜାତୀୟ ପଶୁ। ଏହାର ବଡ଼ ଆକାର ଯୋଗୁଁ ଏହାକୁ ଦୁନିଆର ସବୁଠୁ ବଡ ଛେଳି କୁହାଯାଏ । 

ମାରଖୋର ହେଉଛି ଛେଳିର ଏକ ପ୍ରଜାତି । ଯାହା ବିଶେଷ କରି ପାକିସ୍ତାନ, ଆଫଗାନିସ୍ତାନ, ତାଜିକିସ୍ତାନ ଏବଂ ହିମାଳୟ ଅଞ୍ଚଳରେ ଦେଖାଯାଏ । ସାପ ଶିକାର ହେତୁ ମାରଖୋରକୁ ସ୍ନେକ ଇଟର ବା ସାପ ଭୋଜନକାରୀ ମଧ୍ୟ କୁହାଯାଏ । ଏହାର ନାଁ ମଧ୍ୟ ସାପ ସହ ସଂଯୁକ୍ତ ।

ମାରଖୋର ପ୍ରକୃତରେ ଏକ ପାର୍ସୀ ଶବ୍ଦ । ଏହାର ଅର୍ଥ ହେଉଛି ସାପକୁ ମାରି ଖାଇବା । ମାରଖୋର ସାପକୁ ମାରିପାରେ ପାରଙ୍ଗମ । ଏହି ଜୀବ ସାପକୁ ମାରି ନିଜକୁ ରକ୍ଷା କରେ ଏବଂ ଏହାକୁ ଖାଇଯାଏ । ଏହି ସାପ ଯଦିଓ ନାଗସାପ ହେଉଥାଉ ନାଁ କାହିଁକି । ମାରଖୋର  ସାପକୁ ନିଜ ଶିଙ୍ଗ ସହିତ ଶିକାର କରେ । 

ସେମାନଙ୍କର ଲମ୍ବ ୫୦ ରୁ ୭୫ ଇଞ୍ଚ ଏବଂ ଓଜନ ୧୧୦ କିଲୋଗ୍ରାମ ପର୍ଯ୍ୟନ୍ତ ହୋଇପାରେ । ଏହି କାରଣରୁ ମାରଖୋର କୁହାଯାଏ ବିଶ୍ୱର ସବୁଠାରୁ ବଡ ଛେଳି । ଜଙ୍ଗଲରେ ମିଳୁଥିବା ମାରଖୋରର ପ୍ରକୃତି ଅତ୍ୟନ୍ତ ଆକ୍ରମଣାତ୍ମକ ହୋଇଥାଏ । ଏମାନଙ୍କ ସଂଖ୍ୟା ହ୍ରାସ ଯୋଗୁଁ ଏହାକୁ ୨୦୧୫ରେ ବିଲୁପ୍ତ ପ୍ରାଣୀ ଭାବରେ IUCN ରେଡ୍ ତାଲିକାରେ ସ୍ଥାନିତ କରିଥିଲା ।