ପୁଣେ,୧୯।୧୦: ଚଳିତ ବିଶ୍ୱକପ୍ରେ ଗୁରୁବାର ଭାରତ ଓ ବାଂଲାଦେଶ ପରସ୍ପରକୁ ଭେଟିବେ । ଏହି ମ୍ୟାଚ୍ ପୂର୍ବରୁ ପାକିସ୍ତାନର ଜଣେ ଅଭିନେତ୍ରୀ ବାଂଲାଦେଶ କ୍ରିକେଟ୍ ଦଳକୁ ଲୋଭନୀୟ ପ୍ରସ୍ତାବ ଦେଇଛନ୍ତି । ଅଭିନେତ୍ରୀଙ୍କ ନାମ ସେହର ସିନୱାରୀ । ଭାରତକୁ ହରାଇଲେ ସେ ବାଂଲାଦେଶ ଦଳର କୌଣସି ଜଣେ ଖେଳାଳିଙ୍କ ସହ ସାକ୍ଷାତ କରି ସମୟ କଟାଇବେ । ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ନିକଟରେ ପାକ୍ ଅଭିନେତ୍ରୀ X ରେ ପୋଷ୍ଟ କରି ଲେଖିଛନ୍ତି - ଇନଶାଲ୍ଲା ମୋର ବଙ୍ଗାଳୀ ବନ୍ଦୁ ପରବର୍ତ୍ତୀ ମ୍ୟାଚରେ ଆମ ପାଇଁ ପ୍ରତିଶୋଧ ନେବ । ଯଦି ତାଙ୍କ ଦଳ ଭାରତକୁ ପରାସ୍ତ କରିବାରେ ସଫଳ ହୁଏ, ତେବେ ମୁଁ ଢାକା ଯିବି ଏବଂ ଜଣେ ବଙ୍ଗୀୟ ଯୁବକ ସହିତ ଏକ ଫିସ୍ ଡିନର କରିବି । ଅନ୍ୟପକ୍ଷରେ ପାକିସ୍ତାନ କ୍ରିକେଟ୍ ବୋର୍ଡ ବିଭିନ୍ନ ପ୍ରସଙ୍ଗରେ ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ନିକଟରେ ଆନୁଷ୍ଠାନିକ ବିରୋଧ କରିଛି। ସୂଚନାଯୋଗ୍ୟ, ଭାରତ ଗତ ୧୪ ତାରିଖରେ ପାକିସ୍ତାନକୁ ହରାଇଥିଲା । ନିଜ ଦଳର ଏହି ପରାଜୟକୁ ନେଇ ସିନୱାରୀ ଖପ୍ପା ହୋଇଯାଇଛନ୍ତି ।
wp:embed {"url":"https://www.prameyanews7.com/breast-cancer-in-men-experts-said-30-percent-more-deadly/","type":"wp-embed","providerNameSlug":"prameya-news-7"}
