କଲମ୍ବୋ ୫।୪: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର କଲମ୍ବୋରେ ୧୯୯୬ ୱାର୍ଲଡକପ ଜିତିଥିବା ଶ୍ରୀଲଙ୍କା କ୍ରିକେଟ୍ ଟିମ୍ କୁ ଭେଟିଛନ୍ତି। ସେ ସନଥ ଜୟସୂର୍ଯ୍ୟା, ଅରବିନ୍ଦ ଡି ସିଲଭା, ଚାମିଣ୍ଡା ଭାସ, ଅଟାପଟ୍ଟୁଙ୍କ ସମେତ ଅନ୍ୟ କ୍ରିକେଟରଙ୍କ ସହିତ କଥାବର୍ତ୍ତା ହୋଇଛନ୍ତି। ପ୍ରଧାନମନ୍ତ୍ରୀ ଏହି ସାକ୍ଷାତ ଆଲୋଚନାକୁ ନେଇ ସୋସିଆଲ ମିଡିଆ ଏକ୍ସ ରେ ଏକ ପୋଷ୍ଟ କରିଛନ୍ତି। ଏଥିରେ ୧୯୯୬ କ୍ରିକେଟ ବିଶ୍ୱକପ ଜିତିଥିବା ଶ୍ରୀଲଙ୍କା କ୍ରିକେଟ ଟିମକୁ ଭେଟି ଖୁସି ହେଲି ବୋଲି ଉଲ୍ଲେଖ କରିଛନ୍ତି।
Cricket connect!
— Narendra Modi (@narendramodi) April 5, 2025
Delighted to interact with members of the 1996 Sri Lankan cricket team, which won the World Cup that year. This team captured the imagination of countless sports lovers! pic.twitter.com/2ZprMmOtz6
ପ୍ରଧାନମନ୍ତ୍ରୀ ଲେଖିଛନ୍ତି ଯେ ଏହା ସେହି ଟିମ୍ ଯିଏ କେବଳ ୱାର୍ଲଡକପ ଟ୍ରଫି ଜିତିନି ବିଶ୍ୱବ୍ୟାପୀ କୋଟିକୋଟି କ୍ରିଡାପ୍ରେମୀଙ୍କ କଳ୍ପନାକୁ ଜୀବନ୍ତ କରିଛି। ପ୍ରଧାନମନ୍ତ୍ରୀ ମୋଦିଙ୍କୁ ଭେଟିବା ପରେ ପୂର୍ବତନ କ୍ରିକେଟର ସନଥ ଜୟସୂର୍ଯ୍ୟା, ରମେଶ କାଲୁଭିଥାରାନା ଓ ଅରବିନ୍ଦ ଡି ସିଲଭା ପ୍ରତିକ୍ରିୟା ଦେଇଛନ୍ତି। ଜୟସୂର୍ଯ୍ୟା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିବା ଏକ ଅନନ୍ୟ ଅନୁଭବ ଥିଲା। ସେ କହିଛନ୍ତି କିପରି ଏକ ଦେଶ ରୂପେ ଭାରତକୁ ବିକଶିତ କରିଛନ୍ତି। ଆମେ ଅନ୍ୟାନ୍ୟ ବିଷୟ ଓ କ୍ରିକେଟ ନେଇ ମଧ୍ୟ ଆଲୋଚନା କରିଛୁ। ଏହି ଆଲୋଚନାରେ ମୋଦି କିପରି ଭାରତରେ ତାଙ୍କର ସରକାର ହେଲା ଓ ଦେଶର ବିକାଶ ହେଲା ସେ ନେଇ ମଧ୍ୟ କହିଛନ୍ତି।
ସେହିପରି ଅରବିନ୍ଦ ଡି ସିଲଭା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ବିଶ୍ୱ ସମ୍ମାନ କରୁଛି। ସେ ଭାରତ ଭଳି ଏକ ବିଶାଳ ଦେଶରେ ତୃତୀୟବାର ପ୍ରଧାନମନ୍ତ୍ରୀ ହେବା ଏହା ବାସ୍ତବିକ ଏକ ବଡ଼ ଉପଲବ୍ଧି। ସେ କହିଛନ୍ତି ଭାରତ ଉପରେ ତାଙ୍କର ଗୁରୁତ୍ୱପୂର୍ଣ୍ଣ ପ୍ରଭାବ ରହିଛି। ପ୍ରଧାନମନ୍ତ୍ରୀ ମୋଦିଙ୍କ ସହ କଥା ହୋଇ ଭଲ ଲାଗିଲା।
‘It was a great experience meeting PM @narendramodi. He explained nicely how he developed India as a nation’, says Sanath Jayasuriya former Sri Lankan cricketer after meeting PM Modi. pic.twitter.com/s8ZCOFPhRW
— DD News (@DDNewslive) April 5, 2025
ଏହି ସାକ୍ଷାତ ବାସ୍ତବରେ ଆନନ୍ଦ ଦାୟକ। ସେହିପରି ରମେଶ କାଲୁଭିଥାରାନା କହିଛନ୍ତି ଯେ ଯେବେଠୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତରେ ସରକାର ସମ୍ଭାଳିଲେଣି ସେବେଠୁ ଦେଶର ଅନେକ ପରିବର୍ତ୍ତନ ହେଲାଣି। ସେ ଅନେକ ଜିନିଷ ବଦଳାଇଛନ୍ତି। ସେ ଶ୍ରୀଲଙ୍କା ପାଇଁ ମଧ୍ୟ ଅନେକ କିଛି କରିଛନ୍ତି। ସଂକଟ ସମୟରେ ଭାରତ ସର୍ବଦା ଶ୍ରୀଲଙ୍କା ସହିତ ଛିଡା ହୋଇଛି।
