କଟକ ୧୪/୧୧: ପୋଲିସ ଫେରାଇଛି ଚୋରି ମୋବାଇଲ । କଟକ କ୍ରାଇମବ୍ରାଞ୍ଚ କାର୍ଯ୍ୟାଳୟରେ ଚୋରି ଓ ହଜିଯାଇଥିବା ମୋବାଇଲ ହସ୍ତାନ୍ତର ମେଳା ଆୟୋଜନ କରି ଲୋକଙ୍କୁ ମୋବାଇଲ ଫେରାଇଛି ପୋଲିସ । ପୋଲିସ ଡିଜିପି ୱାଇ.ବି ଖୁରାନିଆ ଲୋକଙ୍କୁ ମୋବାଇଲ ହସ୍ତାନ୍ତର କରିଛନ୍ତି । ୧୨୩ଟି ମୋବାଇଲ ଉଦ୍ଧାର ପରେ ଲୋକଙ୍କୁ ଦିଆଯାଇଛି ।
ବିଭିନ୍ନ ସମୟରେ ଓଡ଼ିଶାର ବିଭିନ୍ନ ସ୍ଥାନରେ ହଜିଥିବା ବା ଚୋରି ହୋଇଥିବା ମୋବାଇଲ ଗୁଡିକୁ କ୍ରାଇମବ୍ରାଞ୍ଚ ତରଫରୁ CEIR ବା ସେଣ୍ଟ୍ରାଲ ଇକ୍ବିପମେଣ୍ଟ ଆଇଡେଣ୍ଟିଟି ରେଜିଷ୍ଟର ପୋର୍ଟାଲ ପ୍ରୟୋଗରେ ଚୋରି ମୋବାଇଲକୁ ଉଦ୍ଧାର କରାଯାଏ । ଚୋରି ହୋଇଥିବା ବା ହଜିଥିବା ମୋବାଇଲରେ ଅନ୍ୟ କୌଣସି ସିମ୍ ପକାଇ ବ୍ୟବହାର କଲେ CEIR ପୋର୍ଟାଲ ମାଧ୍ୟମରେ କ୍ରାଇମବ୍ରାଞ୍ଚକୁ ସୂଚନା ମିଳିଥାଏ ।
