ନୂଆଦିଲ୍ଲୀ: ବଜାର ଓ ରେସ୍ତୋଁରାରେ ନକଲି ଓ ମିଶ୍ରିତ ପନିର ବିକ୍ରିକୁ ନେଇ ଚିନ୍ତା ପ୍ରକାଶ କଲେ କେନ୍ଦ୍ରମନ୍ତ୍ରୀ । ନକଲି ପନିର୍ ବିକ୍ରି ନେଇଥିବା ଅନେକ ଅଭିଯୋଗ ମିଳିବା ପରେ ସ୍ୱାସ୍ଥ୍ୟ ମନ୍ତ୍ରୀ ଜେପି ନଡ୍ଡାଙ୍କୁ ଚିଠି ଲେଖିଛନ୍ତି କେନ୍ଦ୍ର ଖାଉଟି କଲ୍ୟାଣ ମନ୍ତ୍ରୀ ।
କେନ୍ଦ୍ରମନ୍ତ୍ରୀ ପ୍ରହ୍ଲାଦ ଯୋଶୀ ଚିଠିରେ ଲେଖିଛନ୍ତି, 'ସାରା ଦେଶରେ ଫୁଡ୍ ପଏଣ୍ଟ, ରେସ୍ତୋଁରା ଓ ବଜାରରେ ନକଲି ଓ ମିଶ୍ରିତ ପନିର୍ ବିକ୍ରି ମାମଲା ବଢିବାରେ ଲାଗିଛି । ଏହି ମାମଲାରେ ଖାଦ୍ୟ ପଦାର୍ଥର କ୍ୱାଲିଟି ଓ ସେଫ୍ଟିକୁ ନେଇ ଲୋକଙ୍କ ମଧ୍ୟରେ ଚିନ୍ତା ବଢୁଛି ।' ଯୋଶୀ ଲେଖିଛନ୍ତି, 'ନ୍ୟାସନାଲ୍ କଞ୍ଜୁମର୍ ହେଲ୍ପଲାଇନ୍ ପୋର୍ଟାଲରେ ଉପଭୋକ୍ତା ଏହି ମାମଲାରେ ଅନେକ ଅଭିଯୋଗ କରିଛନ୍ତି । ସାରା ଦେଶରେ ନକଲି ଓ ମିଶ୍ରିତ ପନିର୍ ବିକ୍ରି ବଢୁଥିବା ଟ୍ରେଣ୍ଡକୁ ଏହା ଦର୍ଶାଉଛି । ଏପରି ନକଲି ଖାଦ୍ୟ ପଦାର୍ଥ ସେବନ ଦ୍ୱାରା ଗମ୍ଭୀର ସ୍ୱାସ୍ଥ୍ୟ ସମସ୍ୟା ହୋଇପାରେ ।'
Over past few days, the National Consumer Helpline (NCH) has received complaints over the sale of fake/adulterated paneer in markets. In this regard, I have addressed a letter to Union Minister of Health & Family Welfare Shri @JPNadda ji, urging immediate action against erring… pic.twitter.com/ROQM2PrJlF
— Pralhad Joshi (@JoshiPralhad) April 4, 2025
ସେ ଆହୁରି ଲେଖିଛନ୍ତି, 'ଫୁଡ୍ ସେଫ୍ଟି ଷ୍ଟାଣ୍ଡର୍ଡ୍ସ ମାମଲା ଫୁଡ୍ ସେଫ୍ଟି ଆଣ୍ଡ ଷ୍ଟାଣ୍ଡର୍ଡ୍ସ ଆକ୍ଟ ୨୦୦୬ ଅଧିନରେ ଆସଛି । ସାରା ଦେଶରେ ଫୁଡ୍ ସେଫ୍ଟି ଷ୍ଟାଣ୍ଡର୍ଡ୍ସର ପାଳନ ପାଇଁ ଜରୁରୀ ପଦକ୍ଷେପ ନେବା ପାଇଁ ମୁଁ ଅନୁରୋଧ କରୁଛି ।' ଉଲ୍ଲେଖଯୋଗ୍ୟ ଯେ ଫୁଡ୍ ସେଫ୍ଟି ଆଣ୍ଡ ଷ୍ଟାଣ୍ଡର୍ଡ୍ସ ଅଥରିଟି ଅଫ୍ ଇଣ୍ଡିଆ (FSSAI) ସ୍ୱାସ୍ଥ୍ୟ ମନ୍ତ୍ରଣାଳୟ ଅଧିନରେ କାମ କରୁଛି ।
