ମୁମ୍ବାଇ: ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଫିଲ୍ମ ‘ପୁଷ୍ପା ୨: ଦ ରୁଲ୍‘ର ବକ୍ସ ଅଫିସ୍ରେ ଧମାଲ ଜାରି ରହିଛି। ଫିଲ୍ମ ଗୋଟିଏ ପରେ ଗୋଟିଏ ରେକର୍ଡ ଭାଙ୍ଗି ଚାଲିଛି। ଫିଲ୍ମର ହିନ୍ଦୀ ଭର୍ସନ ୬୦୦ କୋଟିରୁ ଅଧିକ କାରବାର କରିବା ସହ ଏବେ ଏହା ୭୦୦ କୋଟି ଅଭିମୁଖେ ଅଗ୍ରସର ହେଉଛି। ଏଥିସହ ପୁଷ୍ପା-୨ ସବୁଠୁ କମ ସମୟରେ ୬୦୦ କୋଟି ବ୍ୟବସାୟ କରିବାର ରେକର୍ଡ ନିଜ ନାଁରେ କରିଛି। ଫିଲ୍ମର କାରବାରକୁ ନେଇ ତଥ୍ୟ ଜାରି କରି ଟ୍ରେଡ ବିଶେଷଜ୍ଞ ତରଣ ଆଦର୍ଶ କହିଛନ୍ତି, ବର୍ତ୍ତମାନ କ୍ରିସମାସ ଓ ନୂଆ ବର୍ଷ ଏହି ଫିଲ୍ମ ପାଇଁ ଅଧିକ ବ୍ୟବସାୟ କରିବାର ସୁଯୋଗ ଆଣିଛି।
Also read: ଓସ୍କାର ରେସ୍ରୁ ବାଦ ପଡିଲା 'ଲାପତା ଲେଡିଜ୍', ଟପ୍ ୧୫ରେ ମିଳିଲାନି ସ୍ଥାନ
ତରଣ ଆଦର୍ଶ ନିଜର ଟୁଇଟର ହ୍ୟାଣ୍ଡେଲରେ ଲେଖିଛନ୍ତି, ୬୦୦ ନଟ୍ଆଉଟ୍-ପରବର୍ତ୍ତୀ ଟାର୍ଗେଟ୍ ୭୦୦ କୋଟି। ସ୍ତ୍ରୀ ୨ର ଶୀର୍ଷ ସ୍ଥାନ ଛଡ଼ାଇ ନେବାକୁ ପ୍ରସ୍ତୁତ ପୁଷ୍ପା ୨। ଅଲ୍ଲୁଙ୍କ ଏହି ଫିଲ୍ମ ସମସ୍ତ ରେକର୍ଡ ଭାଙ୍ଗିବାରେ ଲାଗିଛି। ଖୁବ୍ ଶୀଘ୍ର ସ୍ତ୍ରୀ-୨କୁ ହିନ୍ଦୀ ଭର୍ସନରେ ଅଧିକ ବ୍ୟବସାୟ କରିବା ମାମଲାରେ ପୁଷ୍ପା ୨ ପଛରେ ପକାଇବ। ଫିଲ୍ମର କ୍ରେଜ ଥମିବାର ନାଁ ନେଉନି। କାରଣ ଏବେ କ୍ରିସମାସ ଓ ନୂଆ ବର୍ଷ ଛୁଟି ହେବାକୁ ଯାଉଛି। ଆଶା କରାଯାଉଛି ପୁଷ୍ପା ୨ କେବଳ ୭୦୦ କୋଟି ମାଇଲଖୁଣ୍ଟ ନୁହେଁ ବରଂ ୮୦୦ କ୍ଲବରେ ବି ସାମିଲ ହେବ।
Also read: 'ସ୍ପିରିଟ୍’ରେ ପ୍ରଭାସଙ୍କ ସହ ରୋମାନ୍ସ କରିବେ ମୃଣାଳ, ୨୦୨୫ରେ ଆରମ୍ଭ ହେବା ସୁଟିଂ
ଫିଲ୍ମ ଦ୍ଵିତୀୟ ଶୁକ୍ରବାର ୨୭ କୋଟି ୫୦ ଲକ୍ଷ ଟଙ୍କାର ବକ୍ସ ଅଫିସ କଲେକ୍ସନ କରିଥିଲା। ଶନିବାର ୪୬ କୋଟି ୫୦ ଲକ୍ଷ ଓ ରବିବାର ୫୪ କୋଟି ଟଙ୍କାର ବ୍ୟବସାୟ କରିଥିଲା ଅଲ୍ଲୁ ଅର୍ଜୁନଙ୍କ ଫିଲ୍ମ। ମଙ୍ଗଳବାର ଫିଲ୍ମ ୧୯ କୋଟି ୫୦ ଲକ୍ଷ ଟଙ୍କାର ବ୍ୟବସାୟ କରିଛି। ଫିଲ୍ମର ଓ୍ଵାଲ୍ଡଓ୍ଵାଇଡ ବକ୍ସ ଅଫିସ କଲେକ୍ସନ ୧୪୧୦ କୋଟି ଟପି ସାରିଛି।
