ଭୁବନେଶ୍ବର ୧୦/୧୨: ପୁଣି ରାଜଧାନୀରେ ଲଜ୍ଜା । ଖେଳିବା ବୟସରେ  କାମୁକର ପାଶବିକ ଅତ୍ୟାଚାରର ଶିକାର ହେଉ ହେଉ ବଞ୍ଚିଯାଇଛି ନିଷ୍ପାପ ଶିଶୁ ।  ୩ ବର୍ଷର ଶିଶୁକନ୍ୟାକୁ ଦୁଷ୍କର୍ମ ଉଦ୍ୟମ । ଦୁଷ୍କର୍ମକାରୀ ବବଲୁ ମହାପାତ୍ରକୁ ବାନ୍ଧିଲା ମଞ୍ଚେଶ୍ବର ଥାନା ପୋଲିସ । ଅଭିଯୁକ୍ତ ପୂର୍ବରୁ ମଧ୍ୟ ଏକ ଦୁଷ୍କର୍ମ ମାମଲାରେ ଗିରଫ ହୋଇ ଜୁଭେନାଇଲ ଜେଲ୍‌ରେ ଥିଲା । ଚନ୍ଦ୍ରଶେଖରଥାନା ପୋଲିସ ବବଲୁକୁ ଦୁଷ୍କର୍ମ ମାମଲାରେ ଗିରଫ କରିଥିଲା । ଗତ କିଛି ଦିନ ପୂର୍ବରୁ ଜାମିନରେ ଆସିଥିଲା ଅଭିଯୁକ୍ତ । ଜାମିନରେ ଆସି ପୁଣି ଦୁଷ୍କର୍ମ ଉଦ୍ୟମ କରିଛି ଅଭିଯୁକ୍ତ । ଯାହାକୁ ନେଇ ଆଲୋଡନ ସୃଷ୍ଟି ହୋଇଛି ।