ନୂଆଦିଲ୍ଲୀ ୨୧।୦୭: ହିନ୍ଦୁ ଧର୍ମରେ ଶିବଲିଙ୍ଗଙ୍କ ଉପାସନ କରିବାର ବିଶେଷ ମହତ୍ତ୍ୱ ରହିଛି । ଭଗବାନ ଶିବଙ୍କୁ ସନ୍ତୁଷ୍ଟ କରିବା ଏବଂ ତାଙ୍କ ଆଶୀର୍ବାଦ ପାଇବା ପାଇଁ ଲୋକମାନେ ଶିବଲିଙ୍ଗଙ୍କୁ ଅନେକ ଜିନିଷ ଚଢାଇଥାନ୍ତି କରିଥାନ୍ତି । ପୂଜା ସମୟରେ ଲୋକମାନେ ଶିବଲିଙ୍ଗ ଉପରେ କ୍ଷୀର, କଦଳୀ, ମହୁ, ଫୁଲ, ବେଲପତ୍ର, ଦୁଦୁରା ପରି ଅନେକ ଜିନିଷ ଚଢାଇଥାନ୍ତି ।
ସେଥିମଧ୍ୟରୁ ଗୋଟିଏ ହେଉଛି ଶିବମୁଠୀ । ଯେଉଁଥିରେ ୫ ପ୍ରକାରର ଶସ୍ୟ ଅର୍ପଣ କରାଯାଇଥାଏ । ଶିବଲିଙ୍ଗ ଉପରେ ଚାଉଳ ଅର୍ପଣ କରିବା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ । ଚାଉଳ ଅର୍ପଣ କରିବା ଦ୍ୱାରା ଆର୍ଥିକ ସ୍ଥିତିରେ ଉନ୍ନତି ଆସିଥାଏ । ଧନ ଅଭାବରୁ ମୁକ୍ତି ମିଳିଥାଏ ।
ଶିବଲିଙ୍ଗଙ୍କୁ ଗହମ ଅର୍ପଣ କରିବା ଦ୍ୱାରା ବ୍ୟକ୍ତିଙ୍କ ସାଂସାରିକ ସୁଖ ବଢିଥାଏ । ଅଟକି ରହିଥିବା ବିବାହ ଦୋଷ ଦୂର ହେବା ସହିତ ମା ଅନ୍ନପୂର୍ଣ୍ଣାଙ୍କ ଆଶୀର୍ବାଦ ମିଳିଥାଏ । ଏହାବ୍ୟତୀତ ସନ୍ତାନ ସୁଖ ପ୍ରାପ୍ତ ହୋଇଥାଏ ।
ଶିବଲିଙ୍ଗ ଉପରେ ହରଡ ଡାଲି ଅର୍ପଣ କରିବା ଦ୍ୱାରା ଜୀବନରେ ସୁଖ ଏବଂ ସମୃଦ୍ଧି ଆସିଥାଏ । ଏହାବ୍ୟତୀତ ରାଶିରେ ବୁଧଗ୍ରହ ଶକ୍ତିଶାଳୀ ହୋଇଥାଏ ଏବଂ ଚାକିରିରେ ମଧ୍ୟ ସଫଳତା ମିଳିଥାଏ ।
ଶିବଲିଙ୍ଗ ଉପରେ କଳା ରାଶି ଅର୍ପଣ କରିବା ଲାଭଦାୟକ ବୋଲି ବିବେଚନା କରାଯାଏ । ରାଶି ଅର୍ପଣ କରିବା ଦ୍ବାରା ପିତୃଦୋଷ ଶାନ୍ତ ହେବା ସହିତ ପିତୃପୁରୁଷଙ୍କ ଆଶୀର୍ବାଦ ମିଳିଥାଏ । ଏହାବ୍ୟତୀତ ରାହୁଙ୍କ ଖରାପ ପ୍ରଭାବ କମ୍ ହୋଇଥାଏ ।
ଶିବଲିଙ୍ଗ ଉପରେ ମୁଗଡାଲି ଚଢାଇବା ଦ୍ବାରା ନକାରାତ୍ମକ ଶକ୍ତି ଦୂର ହୋଇଥାଏ । ଏହା ବ୍ୟତୀତ ଅଟକି ରହିଥିବା କାର୍ଯ୍ୟ ସଫଳତା ସହିତ ଶେଷ ହୋଇଥାଏ । କାମରେ ଆସୁଥିବା ସମସ୍ତ ବାଧା ଦୂର ହୋଇଥାଏ ବୋଲି ବିଶ୍ବାସ ରହିଛି ।
