ଜଳେଶ୍ୱର ୨୪।୧୧ : ଦୁର୍ଘଟଣାରେ ଜୀବନ୍ତ ଦଗ୍ଧ କଣ୍ଟେନର୍ ଡ୍ରାଇଭର୍। ଅଳ୍ପକେ ବର୍ତ୍ତିଗଲେ ଟୋଲ୍ ପ୍ଲାଜା କର୍ମଚାରୀ। ବାଲେଶ୍ୱର ଜିଲ୍ଲା ଜଳେଶ୍ୱର ଲକ୍ଷ୍ମଣନାଥ ଟୋଲ୍ ପ୍ଲାଜା ନିକଟରେ ଘଟିଛି ଏହି ଦୁର୍ଘଟଣା ।
ଖବର ଅନୁଯାୟୀ, ଶନିବାର ବିଳମ୍ବିତ ରାତିରେ ପଶ୍ଚିମବଙ୍ଗରୁ ଓଡିଶା ଆସୁଥିବା ଏକ କଣ୍ଟେନର୍ ଜଳେଶ୍ବର ସ୍ଥିତ ଲକ୍ଷ୍ମଣନାଥ ଟୋଲ ପ୍ଲାଜାକୁ ଧକ୍କା ଦେଇଥିଲା। ଟୋଲପ୍ଲାଜାରେ ଥିବା ଡିଭାଇଡର ଉପରକୁ ଚଢି ଯାଇ କ୍ୟାବିନକୁ ଜୋରରେ ଧକ୍କା ଦେଇ କଣ୍ଟେନରଟି ହୁତହୁତ ହୋଇ ଜଳିଯାଇଥିଲା। ଜୀବନ୍ତ ଜଳି ଯାଇଥିଲେ କଣ୍ଟେନର୍ ଡ୍ରାଇଭର୍ ।
ତେବେ କ୍ୟାବିନ୍ ଭିତରେ ବସିଥିବା କର୍ମଚାରୀ ଜଣକ ବର୍ତ୍ତି ଯାଇଥିଲେ। ଘଟଣାସ୍ଥଳରେ ଜଳେଶ୍ୱର ଅଗ୍ନିଶମ ବିଭାଗ କର୍ମଚାରୀ ପହଞ୍ଚି ପ୍ରାୟ ଏକ ଘଣ୍ଟା ପରିଶ୍ରମ କରିବା ପରେ ନିଆଁକୁ ଆୟତ କରିଥିଲେ। ଜଳେଶ୍ୱର ପୋଲିସ ଘଟଣାର ତଦନ୍ତ କରୁଛି। ଡ୍ରାଇଭର ଆଖି ଲାଗି ଯାଇଥିବାରୁ ର୍ଘଟଣା ଘଟିଥିବା କୁହାଯାଉଛି। ଦୁର୍ଘଟଣାରେ ଟୋଲ୍ ପ୍ଲାଜାର ସୁରକ୍ଷାବାଡ଼ ସହ କମ୍ପୁଟର ଭାଙ୍ଗିଯାଇଛି। ଟୋଲ୍ ଗେଟରେ ଅଟକିଛି ଶହ ଶହ ଗାଡି।
