ଭୋପାଲ ୫।୪: ମଧ୍ୟପ୍ରଦେଶରୁ ଏକ ବଡ଼ ଖବର ସାମ୍ନାକୁ ଆସୁଛି, ଯାହା ମହିଳା ସେକ୍ସ ୱାର୍କରଙ୍କ ନିମନ୍ତେ ଆଶ୍ୱସ୍ତି କର। ରାଜ୍ୟ ପୋଲିସ ମୁଖ୍ୟାଳୟ ଏକ ଐତିହାସିକ ପଦକ୍ଷେପ ନେଇ ଏବେ ଏପରି ମହିଳାଙ୍କୁ ଆଉ ଅଭିଯୁକ୍ତ ନ କରିବାକୁ ନିର୍ଦ୍ଦେଶ ଦିଆ ଯାଇଛି। ଏପରି ମହିଳାଙ୍କୁ ସାଧାରଣତଃ ହୋଟେଲ ଓ ଢାବା ମାନଙ୍କରୁ ବେଶ୍ୟାବୃତ୍ତିରେ ଲିପ୍ତ କାରଣରୁ ଗିରଫ କରାଯାଉଥିଲା। ଏବେ ଯଦି କୌଣସି ମହିଳା ସେକ୍ସ ୱାର୍କରଙ୍କୁ ପୋଲିସ ଧରେ ତେବେ ତାଙ୍କୁ ନା ଗିରଫ କରାଯିବ ନା ସେ କୌଣସି ସମସ୍ୟାର ସମ୍ମୁଖୀନ ହେବେ।
ଏହି ନିଷ୍ପତ୍ତିକୁ ପୋଲିସ ମୁଖ୍ୟାଳୟ ପକ୍ଷରୁ ସବୁ ଜିଲ୍ଲାର ଏସପି ଓ ଭୋପାଳ, ଇନ୍ଦୋର ଭଳି ପ୍ରମୁଖ ସହରାଞ୍ଚଳ ପୋଲିସ କମିଶନରଙ୍କ ନିକଟକୁ ପଠାଯାଇଥିବା ନିର୍ଦ୍ଦେଶରେ କୁହାଯାଇଛି। ପ୍ରାୟତଃ ପୋଲିସ ଯେତେବେଳେ ହୋଟେଲ ଅଥବା ଢାବା ଉପରେ ଚଢଉ କରେ ତେବେ ସେଠାରେ ବେଶ୍ୟାବୃତ୍ତିରେ ଲିପ୍ତ ମହିଳାଙ୍କୁ ମଧ୍ୟ ଅଭିଯୁକ୍ତ କରିଥାଏ। ତେବେ ଏହି ମହିଳାମାନେ ପୂର୍ବରୁ ଅନେକବାର ଶୋଷଣର ଶିକାର ହୋଇଥାନ୍ତି। ଏହି ସମସ୍ୟାକୁ ଧ୍ୟାନରେ ରଖି ମହିଳା ସୁରକ୍ଷା ସ୍ପେଶାଲ ଡିଜି ଋଚା ଶ୍ରୀବାସ୍ତବ ଏପରି ମହିଳାଙ୍କ ସହିତ ପୀଡ଼ିତଙ୍କ ଭଳି ବ୍ୟବହାର କରିବାକୁ ପୋଲିସକୁ ନିର୍ଦ୍ଦେଶ ଦେଇଛନ୍ତି।
ନୂଆ ନୀତି ଅନୁସାରେ ଏବେ ପୋଲିସଙ୍କୁ ମହିଳା ସେକ୍ସ ୱାର୍କରଙ୍କ ସହିତ ସମ୍ବେଦନଶୀଳ ଓ ସହାନୁଭୂତିର ସହିତ ବ୍ୟବହାର କରିବାକୁ କୁହାଯାଇଛି। ମହିଳାଙ୍କ ଅଧିକାର ଯେପରି ଉଲ୍ଲଂଘନ ନ ହୁଏ ଓ ସେମାନଙ୍କୁ ଯେପରି ସୁରକ୍ଷିତ ବାତାବରଣ ମିଳେ ତାହା ପୋଲିସର ଏହି ପଦକ୍ଷେପ ସୁନିଶ୍ଚିତ କରିବ। ଏହି ନିଷ୍ପତ୍ତି ନା କେବଳ ବେଶ୍ୟାବୃତ୍ତି ପ୍ରତି ପୋଲିସର ଦୃଷ୍ଟିକୋଣକୁ ବଦଳାଇବ ବରଂ ସମାଜରେ ଏକ ବଡ଼ ଧରଣର ପରିବର୍ତ୍ତନ ଆଣିବ।
