ତେଲକୋଇ ୧୪।୮: ଆନ୍ତଃଜିଲ୍ଲା ଡକାୟତ ଦଳକୁ ଧରିଲା ତେଲକୋଇ ପୋଲିସ । ଦୀର୍ଘ ୪ ଦିନ ଧରି ଲୋକଙ୍କ ମଧ୍ୟରେ କୋକୁଆ ଭୟ ସୃଷ୍ଟି କରିଆସୁଥିଲେ । ଗୋଟିଏ ୧୨ ଚକିଆ ଟ୍ରକ ଯୋଗେ ୪ଦିନ ଧରି ବିଭିନ୍ନ ଗାଁରେ ଚୋରି କରି ଟ୍ରକରେ ଚୋରି ଜିନିଷ ଲୋଡ୍ କରି ନେଇ ପଳାଇ ଯାଉଥିଲେ । ଏନେଇ ଅଞ୍ଚଳ ଲୋକ ଓ ପୋଲିସ ଡକାୟତ ଦଳକୁ ଧରିବା ପାଇଁ ଜାଲ ବିଛାଇଥିଲେ । ଆଗରୁ ସିସିଟିଭିରେ ଚୋରିରେ ସାମିଲ ଥିବା ଟ୍ରକ ନମ୍ବରକୁ ଟ୍ରାକ୍ କରି ବିଳମ୍ବିତ ରାତିରେ ବିଭିନ୍ନ ଛକରେ ଲୋକ ଓ ପୋଲିସ ଛକି ବସିଥିଲେ ।
ମଙ୍ଗଳବାର ବିଳମ୍ବିତ ରାତିରେ ଟ୍ରକ୍ଟି ବାଲିଶର ଗାଁ ଛକରୁ ଭିମକାଣ୍ଡ ଗାଁ ଆଡକୁ ଯିବାବେଳେ ଆଗରେ ଗାଁ ଲୋକ ଟ୍ରକ୍କୁ ଅଟକାଇ ଥିଲେ । ଲୋକଙ୍କ ଆକ୍ରୋଶର ଶିକାର ହୋଇଥିଲେ ଡକାୟତ ଦଳ । ଲୋକଙ୍କ ମାଡରେ ୬ ଜଣ ଡକାୟତ ଗୁରୁତର ହୋଇ ତେଲକୋଇ ମେଡ଼ିକାଲରେ ଚିକିତ୍ସିତ ହେଉଛନ୍ତି । ଟ୍ରକ ପଛରେ ଗୋଡାଉଥିବା ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚି ଟ୍ରକ୍ ସହ ୮ ଜଣଙ୍କୁ ଥାନାରେ ଅଟକ ରଖିଛି । ଅନ୍ୟ ୪ ଡକାୟତ ଘଟଣାସ୍ଥଳରୁ ଫେରାର ହୋଇଯାଇଥିବା ବେଳେ ବୁଧବାର ସକାଳୁ ଗାଁ ଲୋକେ ଡକାୟତଙ୍କୁ ଧରିବା ପାଇଁ କାଜୁ ଜଙ୍ଗଲକୁ ଘେରାଉ କରିଛନ୍ତି ।
You Can Read:
ଭିଜିଲାନ୍ସ ପଞ୍ଝାରେ ନୀଳଗିରି ଉପ ଜିଲ୍ଲାପାଳ, ଏକକାଳୀନ ୧୨ଟି ସ୍ଥାନରେ ଚାଲିଛି ଚଢାଉ
