ଭୁବନେଶ୍ବର ୨୧/୧୦: ଶିକ୍ଷକ ନିଯୁକ୍ତି ହେଲେ ସ୍କୁଲ ଗେଟ୍ରୁ ତାଲା ଖୋଲିବୁ । ଆନ୍ଦୋଳନ ହଟିବ । ଏମିତି ଚେତାବନୀ ଦେଇଛନ୍ତି ଛାତ୍ରଛାତ୍ରୀ । ଭୁବନେଶ୍ବର VSS ନଗର ସରକାରୀ ଉଚ୍ଚ ବିଦ୍ୟାଳୟ ଗେଟ୍ ସମ୍ମୁଖରେ ଅସ୍ବାଭାବିକ ସ୍ଥିତି । ଶିକ୍ଷକ ନିଯୁକ୍ତି ଦାବିରେ ଧାରଣାରେ ବସିବା ସହ ଗେଟ୍ରେ ତାଲା ପକାଇଛନ୍ତି ଛାତ୍ରଛାତ୍ରୀ ।
ସ୍କୁଲରେ ୧୩ ଜଣ ଶିକ୍ଷକଙ୍କ ବଦଳରେ ଅଛନ୍ତି ମାତ୍ର ୬ ଜଣ ଶିକ୍ଷକ । ଇଂରାଜୀ,ଗଣିତ ଓ ବିଜ୍ଞାନ ଭଳି ଗୁରୁତ୍ବପୂର୍ଣ୍ଣ ବିଷୟରେ ପଢାଇବାକୁ ନାହାନ୍ତି ଶିକ୍ଷକ । ସେଥିପାଇଁ ପିଲାଙ୍କ ପାଠପଢା ଠିକ ଭାବରେ ହୋଇପାରୁନଥିବା ଅଭିଯୋଗ ହୋଇଛି । ଶିକ୍ଷକ ନିଯୁକ୍ତି ନହେବା ଯାଏ ଆନ୍ଦୋଳନ ଚେତାବନୀ ଦେଇଛନ୍ତି ଛାତ୍ରଛାତ୍ରୀ ।
