ନୂଆଦିଲ୍ଲୀ: ଆମେରିକାରେ ଆଦାନୀ ଗ୍ରୁପ୍ ବିରୋଧରେ ଲାଞ୍ଚ କରାବାର ଅଭିଯୋଗ ଆସିବା ପରେ ସମୂହ ପାଇଁ ଅଡ଼ୁଆ ବଢିବାରେ ଲାଗିଛି । କେନିଆଠାରୁ ଅନ୍ତରାଷ୍ଟ୍ରୀୟ ଚୁକ୍ତି ହରାଇବା ପରେ ବାଂଲାଦେଶ ଏବେ ଡିଲ୍ର ଯାଞ୍ଚ କରିବ ବୋଲି ବୟାନ ଦେଇସାରିଛି । ଏହାରି ଭିତରେ କଂଗ୍ରେସ ଶାସିତ ତେଲଙ୍ଗାନା ସରକାର ଆଦାନୀ ଗ୍ରୁପକୁ ୧୦୦ କୋଟି ଟଙ୍କାର ଫଣ୍ଡ୍ ଫେରାଇ ଦେଇଛନ୍ତି । ରାଜ୍ୟର ଯୁବକଙ୍କ ଦକ୍ଷତା ବିକାଶ ଉଦ୍ଦେଶ୍ୟରେ ଦିଆଯାଇଥିଲା । କିନ୍ତୁ କଂଗ୍ରେସ ସରକାର ଏବେ ଏହାକୁ ମନା କରିଦେଇଛି । ଇଣ୍ଡିଆ ଟୁଡେର ରିପୋର୍ଟ ଅନୁସାରେ ମୁଖ୍ୟମନ୍ତ୍ରୀ ରେଭନ୍ଥ ରେଡ୍ଡି ଅଦାନୀ ଗ୍ରୁପରୁ କୌଣସି ପ୍ରକାର ଧନ ରାଶି ଗ୍ରହଣ କରିବାକୁ ମନା କରିଦେଇଛନ୍ତି ।
ତେଲଙ୍ଗାନା ମୁଖ୍ୟମନ୍ତ୍ରୀ ରେଭନ୍ଥ ରେଡ୍ଡି କହିଛନ୍ତି ଯେ ୟଙ୍ଗ ଇଣ୍ଡିଆ ସ୍କିଲ୍ ବିଶ୍ୱବିଦ୍ୟାଳୟ ପାଇଁ ଆଦାନୀ ଗ୍ରୁପଠାରୁ ରାଜ୍ୟ ସରକାର କୌଣସି ଟଙ୍କା ନେଇନାହାନ୍ତି । ତେଲଙ୍ଗାନା ମୁଖ୍ୟମନ୍ତ୍ରୀ କହିଛନ୍ତି, 'ରାହୁଲ ଗାନ୍ଧୀ ସ୍ପଷ୍ଟ ଭାବେ କହିଛନ୍ତି ଯେ ରାଜ୍ୟ ସରକାର ଏବଂ କେନ୍ଦ୍ର ସରକାର ଟେଣ୍ଡର୍ସ ଆମନ୍ତ୍ରଣ କରିବା ଦରକାର । ଗଣତାନ୍ତ୍ରିକ ରୂପେ ସଠିକ୍ ପ୍ରକ୍ରିୟା ସହ ଟେଣ୍ଡର୍ସ ଆବଣ୍ଟିତ କରାଯିବ, ସେ ଆଦାନୀ ହେଉ, କି ଅମ୍ୱାନୀ ହେଉ, କି ଟାଟା ହେଉ ।' ମୁଖ୍ୟମନ୍ତ୍ରୀ କହିଛନ୍ତି, 'ୟଙ୍ଗ ଇଣ୍ଡିଆ ସ୍କିଲ୍ ୟୁନିଭର୍ସିଟିକୁ ଅନେକ କମ୍ପାନି ଫଣ୍ଡ ଦେଇଛନ୍ତି । ଏହି କ୍ରମରେ ଆଦାନୀ ଗ୍ରୁପ ମଧ୍ୟ ଆମକୁ ୧୦୦ କୋଟି ଟଙ୍କା ଫଣ୍ଡ୍ ଅଫର ଦେଇଛି । ମୁଁ ରାଜ୍ୟ ସରକାରଙ୍କ ନିଷ୍ପତ୍ତିକୁ ଦୋହରାଇବାକୁ ଚାହୁଁଛି ଯେ ଆଦାନୀ ଗ୍ରୁପରୁ ୧୦୦ କୋଟି ଟଙ୍କା ନେବୁ ନାହିଁ ।'
ଉଲ୍ଲେଖଯୋଗ୍ୟ ଯେ ଅକ୍ଟୋବର ୧୮ରେ ଗୌତମ ଆଦାନୀ ୟଙ୍ଗ୍ ଇଣ୍ଡିଆ ସ୍କିଲ୍ ବିଶ୍ୱବିଦ୍ୟାଳୟ ସ୍ଥାପନା ପାଇଁ ମୁଖ୍ୟମନ୍ତ୍ରୀ ରେଭନ୍ଥ ରେଡ୍ଡିଙ୍କୁ ୧୦୦ କୋଟି ଟଙ୍କାର ଚେକ୍ ଦେଇଥିଲେ । ତେଲଙ୍ଗନା ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ଏକ୍ସରେ ପୋଷ୍ଟ କରି ଏହି ସୂଚନା ଦେଇଥିଲା । ଏହାପରେ କଂଗ୍ରେସକୁ ବିରୋଧୀ ଦଳଗୁଡ଼ିକ କଟାକ୍ଷ କରିଥିଲେ । ବିଜେପି ଆଇଟି ସେଲ୍ ମୁଖ୍ୟ ଅମିତ୍ ମାଲଭିୟ କହିଥିଲେ, 'ରାହୁଲ ଗାନ୍ଧୀ ସାରା ଦିନ ଆଦାନୀ, ଆଦାନୀ କରି ଚିତ୍କାର କରିବା ସତ୍ତ୍ୱେ ତେଲଙ୍ଗାନା ମୁଖ୍ୟମନ୍ତ୍ରୀ ରେଭନ୍ଥ ରେଡ୍ଡି ଆଗକୁ ଆସି ଗୌତମ ଆଦାନୀଙ୍କଠାରୁ ଦାନ ସ୍ୱୀକାର କରୁଛନ୍ତି ।'
ଅମିତ୍ ମାଲଭିୟ ପୂର୍ବରୁ କରିଥିବା ଏକ୍ସ ପୋଷ୍ଟ
