କଟକ ୨।୧୧: ବାଣଫୁଟାକୁ କେନ୍ଦ୍ରକରି ଦୁଇ ଗୋଷ୍ଠୀ ମୁହାଁମୁହିଁ । କଟକ ବାରପଥର ନିକଟରେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଦେଖିବାକୁ ମିଳିଛି । ମେରିଆ ବଜାର ଅଞ୍ଚଳର କିଛି ଲୋକ ଏକାଠି ବାଣ ଫୁଟାଉଥିବା ବେଳେ ବାରପଥର ଅଞ୍ଚଳର କିଛି ଯୁବକ ବାରଣ କରିଥିଲେ । ଏହାପରେ ଦୁଇ ଗୋଷ୍ଠୀ ମଧ୍ୟରେ ଯୁକ୍ତିତର୍କ ହେବା ପରେ ଆରମ୍ଭ ହୋଇଥିଲା ଢେଲା ପଥର ଓ କାଚ ବୋତଲ ମାଡ । ଗୋଟିଏ ଗୋଷ୍ଠୀର କିଛି ଯୁବକ ମାରଣାସ୍ତ୍ରରେ ଆକ୍ରମଣ କରିବାରୁ ଏକାଧିକ ବ୍ୟକ୍ତି ଆହତ ହୋଇଛନ୍ତି । ଏହାସହ ଏସିଡ୍ ମଧ୍ୟ ଫିଙ୍ଗିଥିବା ଅଭିଯୋଗ ହୋଇଛି । ଏଥିରେ ମୋଟ୍ ୬ ଜଣ ଆହତ ହୋଇଥିବା ବେଳେ ଘଟଣାସ୍ଥଳରେ ଦରଘାବଜାର ଥାନା ପୋଲିସ ଏବଂ କ୍ୟାଣ୍ଟନମେଣ୍ଟ ଥାନା ପୋଲିସ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲେ । ତେବେ ଉଭୟ ପକ୍ଷର କିଛି ବ୍ୟକ୍ତିଙ୍କୁ ଅଟକ ରଖି ତଦନ୍ତ ଜାରି ରଖିଛି ଦରଘାବଜାର ଥାନା ପୋଲିସ । ଏହି ଘଟଣାରେ ପୋଲିସ ଏକ ମାମଲା ରୁଜୁ କରିଥିବା ବଳେ ଉଭୟ ପକ୍ଷଙ୍କୁ ଡାକି ଆପୋଷ ସମାଧାନ କରିବା ପାଇଁ ଉଦ୍ୟମ ଜାରି ରଖିଛି ପୋଲିସ ।

You Can Read:

ନବୀନଙ୍କ ସୁରକ୍ଷା କର୍ମୀ ହଟିବା ପରେ ରାଜନୀତି ଜୋର : ଜୟନାରାୟଣ କହିଲେ- ମୁଁ ନେଇନଥିଲି ସୁରକ୍ଷା କର୍ମୀ, ସଞ୍ଜୟ କହିଲେ- ତ୍ରୁଟି ସୁଧାରିବେ ସରକାର