ବାରିପଦା ୨୨।୧୨: ପୁଣି ମିଳିଛି ମାଈ ହାତୀର ମୃତଦେହ । ମୟୂରଭଞ୍ଜ ଜିଲ୍ଲାର ବାଙ୍ଗିରିପୋଷି ରେଞ୍ଜ ଗୋଲାମୁଣ୍ଡାକଟା ଗ୍ରାମ ନିକଟରେ ମିଳିଛି ହାତୀର ମୃତଦେହ । ହାତୀ ମୃତ୍ୟୁର କାରଣ ଅସ୍ପଷ୍ଟ । ଘଟଣାସ୍ଥଳରେ ବନ ବିଭାଗ ଟିମ୍ ବୟସ ପ୍ରାୟ ୫ ହେବ ବୋଲି ଜଣାପଡ଼ିଛି । ଗତ ରାତିରେ ସ୍ଥାନୀୟ ଲୋକ ହାତୀ ଆସିବାର ଶବ୍ଦ ଶୁଣିବା ପରେ ଘଡାଇବାକୁ ଚେଷ୍ଟା କରିଥିଲେ । ତେବେ ବିଲରେ ସେ ଧାନ ନଥିବାରୁ କିଛି ଦୂର ଘଉଡାଇ ଫେରି ଆସିଥିଲେ । ଭୋର ବେଳକୁ ହାତୀଟି ଗାଁ ନିକଟସ୍ଥ ଜଙ୍ଗଲ ପାଖରେ ମୁମୂର୍ଷୁ ଅବସ୍ଥାରେ ପଡିଥିବା ଦେଖିବାକୁ ପାଇଥିଲେ । ପରେ ତାର ମୃତ୍ୟୁ ହୋଇଛି ବୋଲି ସ୍ଥାନୀୟ ଲୋକେ କହିଛନ୍ତି । କେଉଁ କାରଣରୁ ହାତୀଟିର ଏପରି ହେଲା ତାହା ଜଣାପଡିନାହିଁ । କେହି ବିଷ କିମ୍ବା ବିଦ୍ୟୁତ ଆଘାତ ଦେଇ ଏଭଳି କରିଥିବାର ସନ୍ଦେହ କରାଯାଉଛି ।