ଦିଗପହଣ୍ଡି ୨।୧୧: ମର୍ମନ୍ତୁଦ ସଡକ ଦୁର୍ଘଟଣା । ଦୁଇ ଜଣଙ୍କ ମୃତ୍ୟୁ ଓ ଏକାଧିକ ଆହତ । ଗଞ୍ଜାମ ଜିଲ୍ଲାର ଦିଗପହଣ୍ଡି ଅନ୍ତର୍ଗତ କାଣ୍ଡଶ୍ବର ଗ୍ରାମ ନିକଟରେ ଏହି ଦୁର୍ଘଟଣା ଘଟିଛି । ମୃତକମାନେ ବାଇକ୍ ଆରୋହୀ ହୋଇଥିବା ବେଳେ ଆହତ ମାନେ ଅଟୋରେ ଯାତ୍ରା କରୁଥିଲେ ।

ସୂଚନାଯୋଗ୍ୟ ଯେ, କାଣ୍ଡଶ୍ବର ଗ୍ରାମ ନିକଟରେ ଅଟୋକୁ ବାଇକ୍ ଧକ୍କା ଦେବାରୁ ଏହି ଦୁର୍ଘଟଣା ଘଟିଛି । ମୃତକଙ୍କ ମଧ୍ୟରେ ଜଣେ ମହିଳା ଥିବା ବେଳେ ଅନ୍ୟ ଜଣେ ପୁରୁଷ । ସେମାନଙ୍କ ପରିଚୟ ମଧ୍ୟ ମିଳିଛି । ସେମାନେ ହେଲେ ସୀମାଞ୍ଚଳ ରେଡ୍ଡି, କୁନ୍ତି ଗୌଡ଼ । ବାଙ୍କେଶ୍ବରୀ ମନ୍ଦିରରୁ ସେମାନେ ଦର୍ଶନ ସାରି ଫେରୁଥିବା ବେଳେ ଦୁର୍ଘଟଣାର ସମ୍ମୁଖୀନ ହୋଇଥିବା ସୂଚନା ମିଳିଛି । ଆହତ ଅଟୋ ଯାତ୍ରୀଙ୍କୁ ଚିକିତ୍ସା ପାଇଁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଗାଡି ଦୁଇଟିକୁ ଜବତ କରି ତଦନ୍ତ ଜାରି ରଖିଛି ।

You Can Read:

ନଭେମ୍ବର ଶେଷ ସୁଦ୍ଧା ମିଳିବ ‘ସୁଭଦ୍ରା’ ତୃତୀୟ ପର୍ଯ୍ୟାୟ ଟଙ୍କା : ଉପ ମୁଖ୍ୟମନ୍ତ୍ରୀ