ନୂଆଦିଲ୍ଲୀ: ଶନିବାର ୟେମେନରେ ହୁତି ବିଦ୍ରୋହୀଙ୍କ ଉପରେ ହୋଇଥିବା ଏୟାର ଷ୍ଟ୍ରାଇକ୍ର ଭିଡିଓ ସେୟାର କଲା ଆମେରିକା । ଏଥିରେ ଡଜନରୁ ଅଧିକ ବିଦ୍ରୋହୀଙ୍କ ମୃତ୍ୟୁ ହୋଇଛି । ଏହି ଘଟଣା ଏଭଳି ସମୟରେ ହୋଇଛି, ଯେତେବେଳେ ୟୁଏସଏ ସେନା ଭାରତ ମହାସାଗରରେ ଥିବା ଏକ ଦ୍ବୀପ ଡିଏଗୋ ଗାର୍ସିୟାକୁ ୬ଟି ବି-୨ ବୋମା ବର୍ଷଣକାରୀ ଯୁଦ୍ଧବିମାନ ପଠାଇଥିଲା । ମହାସମୁଦ୍ରରେ ଇରାନ ଓ ହୁତି ବିଦ୍ରୋହୀ ଗୋଷ୍ଠୀ ଓ ସେମାନଙ୍କ ସମର୍ଥକଙ୍କୁ ରୋକିବା ପାଇଁ ଆମେରିକା ଏହି ଆକ୍ସନ ନେଇଥିବା କହିଛନ୍ତି ବିଶେଷଜ୍ଞ ।
ହୁତି ବିଦ୍ରୋହୀ ଗୋଷ୍ଠୀଙ୍କୁ ଟାର୍ଗେଟ୍ କରିଥିବା ବି-୨ ବର୍ଷଣକାରୀ ଯୁଦ୍ଧବିମାନ ଏକ ଅତ୍ୟାଧୁନିକ ପାଇଟର ଜେଟ୍ । ଏହାକୁ 'ଆକାଶର ଭୁତ' ବୋଲି କୁହାଯାଏ । ଏହାକୁ ଇକାନ ସୀମା ନିକଟରେ ମୁତୟନ କରାଯାଇଛି । ପୂର୍ବ ମଧ୍ୟପ୍ରାଚ୍ୟ ଉତ୍ତେଜନା ପୂର୍ଣ୍ଣ ରହିଥିବା ବେଳେ ଏହି ଯୁଦ୍ଧବିମାନ ମୁତୟନ ପରେ ଉତ୍ତେଜନା ଆହୁରି ବଢ଼ିଯିବ ବୋଲି କୁହାଯାଉଛି । ପ୍ଲାନେଟ୍ ଲୈବ୍ସ ପିବିସି ସାଟେଲାଇଟ୍ ଚିତ୍ରକୁ ବିଶ୍ଳେଷଣ କଲେ ଜଣାପଡୁଛି ଯେ, ଡିଏଗୋ ଗାର୍ସିୟା ଦ୍ବୀପରେ ଥିବା ଏୟାର ବେସରେ ବି-୨ ବୋମା ବର୍ଷଣକାରୀ ଯୁଦ୍ଧବିମାନ ମୁତୟନ କରାଯାଉଛି, ଯାହାକୁ ଆମେରିକା ଓ ବ୍ରିଟେନ ସେନା ପରିଚାଳନା କରୁଛନ୍ତି ।
ଆମେରିକା ନିକଟରେ ଥିବା ଏହି ବୋମା ବର୍ଷଣକାରୀ ବିମାନ, ଅତ୍ୟାଧୁନିକ ଯୁଦ୍ଧବିମାନ ମାନଙ୍କ ମଧ୍ୟରେ ଅନ୍ୟତମ । ଏହାର ଆନୁମାନିକ ମୂଲ୍ୟ ୨ ମିଲିୟନ ଡଲାର । ଏଥିରେ ଏୟାର ଡିଫେନ୍ସ ସିଷ୍ଟମ ସହିତ ଶତ୍ରୁ ଦେଶର ରାଡାରକୁ ଚକ୍ମା ଦେବା ଭଳି ଆଡଭାନ୍ସ ସିଷ୍ଟମ ରହିଛି । ବି-2 ଜେଟ୍ ବିଶ୍ବର କୌଣସି ସ୍ଥାନକୁ ଟାର୍ଗେଟ୍ କରିପାରିବ ଏବଂ ପୁଣି ଥରେ ଏୟାର ବେସକୁ ଫେରିପାରିବ । ଏଥିରେ ମଝି ଆକାଶରେ ଇନ୍ଧନ ଭରିବା ଭଳି ବ୍ୟବସ୍ଥା ରହିଛି ।ବି-2 ଜେଟକୁ ଏଭଳି ଡିଜାଇନ କରାଯାଇଛି ଯେ, ଏହା ଭିତରେ ପାଇଲଟ୍ ପାଇଁ ଖାଦ୍ୟ ଖାଇବା ସହିତ ଖାଦ୍ୟ ଗରମ କରିବାର ବ୍ୟବସ୍ଥା ରହିଛି । ସେହିପରି ଏଥିରେ ଶୌଚ ହେବା ପାଇଁ ମଧ୍ୟ ସୁବିଧା ରହିଛି ।
ଡିଏଗୋ ଗାର୍ସିୟାରେ କାହିଁକି ମୁତୟନ ହେଲା ?
ଡିଏଗୋ ଗାର୍ସିୟା ଦ୍ବୀପରେ ବି-2 ବୋମା ବର୍ଷଣକାରୀ ବିମାନ ଅଚାନକ ମୁତୟନ ହୋଇନାହିଁ । ଏହାକୁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଆକ୍ରମଣାତ୍କ ଅନ୍ଦାଜ ଭାବେ ଦେଖାଯାଉଛି । ଲାଲ୍ ସାଗରରେ ହୁତି ବିଦ୍ରୋହୀ ଗୋଷ୍ଠୀଙ୍କ ଉତ୍ପାତକୁ ହ୍ରାସ କରିବାକୁ ଏଭଳି ପଦକ୍ଷେପ ନିଆଯାଇଛି । ଗତ ସପ୍ତାହରେ ୟେମେନରେ ହୁତି ବିଦ୍ରୋହୀ ଗୋଷ୍ଠୀଙ୍କ ଉପରେ ବୋମା ବର୍ଷା କରିଥିଲା । ଏଥିରେ ୫୩ଜଣଙ୍କ ମୃତ୍ୟୁ ହୋଇଥିବା ବେଳେ ଶହେ ଜଣେ ଆହତ ହୋଇଛନ୍ତି ।
