ନୂଆଦିଲ୍ଲୀ: ଭିଏତନାମ ସମେତ ବିଶ୍ୱର ସବୁଠୁ ବଡ ବ୍ୟାଙ୍କ ଠକେଇରେ ଦୋଷୀ ସାବ୍ୟସ୍ତ ହୋଇଥିବା ଟ୍ରୁଙ୍ଗ ମାଇ ଲାନଙ୍କୁ ବଡ଼ ଝଟକା। ତାଙ୍କ ମୃତ୍ୟୁଦଣ୍ଡ କମାଇବାକୁ ନେଇ ହୋଇଥିବା ଆବେଦନକୁ କୋର୍ଟ ଖାରଜ କରିଥିଲେ। ଲାନ ନକଲି କମ୍ପାନୀ ଗଠନ କରି ଦେଶର ସାଇଗନ୍ କମର୍ସିଆଲ୍ ବ୍ୟାଙ୍କରୁ ପ୍ରାୟ 3726 କୋଟି ଟଙ୍କା ଆୟ କରିଥିବା ଅଭିଯୋଗ ହୋଇଛି।

ଭିଏତନାମ ମିଡିଆ ରିପୋର୍ଟ ଅନୁଯାୟୀ, ଲାନଙ୍କ ସଫଳତାର କାହାଣୀ ମଧ୍ୟ ଅତ୍ୟନ୍ତ ଅନନ୍ୟ ଅଟେ। ସେ ସହରର ହୋ ଚି ମିନ୍ ଅଞ୍ଚଳରେ ଜନ୍ମଗ୍ରହଣ କରିଥିଲେ ଏବଂ ସେ ଏକ ସିନୋ-ଭିଏତନାମ ପରିବାରର। ସେ ବଡ ହେବା ମାତ୍ରେ, ତାଙ୍କ ମା ସହିତ ରାସ୍ତାରେ ପ୍ରସାଧନ ସାମଗ୍ରୀ ବିକ୍ରି କରିବା ଆରମ୍ଭ କରିଦେଲେ।

ବହୁ ବର୍ଷ ଧରି ରାସ୍ତାରେ ଏକ ଷ୍ଟଲ୍ ସ୍ଥାପନ କରି ସାମଗ୍ରୀ ବିକ୍ରୟ କରିବା ପରେ ସେ ୧୯୮୬ରେ ସରକାରଙ୍କ ବିକାଶ ନୀତି ଅନୁଯାୟୀ ସବସିଡିରେ ଏକ ସମ୍ପତ୍ତି କିଣିଥିଲେ, ତା’ପରେ ନକଲି କମ୍ପାନୀ ଗଠନ କରିଥିଲେ। ବ୍ୟାଙ୍କ ଋଣ ସାହାଯ୍ୟରେ ସମ୍ପତ୍ତି କ୍ରୟ ଏବଂ ବିକ୍ରୟ ଜାରି ରଖିଥିଲେ। ସେ ୱାନ୍ ଥିନ୍ ନାମକ ଏକ ରିଏଲ୍ ଇଷ୍ଟେଟ୍ ଗ୍ରୁପ ସୃଷ୍ଟି କରି ଭିଏତନାମର ସବୁଠାରୁ ବଡ ବିଜନେସ ଟାଇକୁନ ହୋଇଥିଲେ।

🇻🇳 VIETNAMESE TYCOON LOSES APPEAL AGAINST DEATH PENALTY

Truong My Lan, convicted of masterminding Vietnam’s largest fraud scandal, failed to overturn her death sentence.

The tycoon embezzled $12.3 billion and orchestrated a $1.2 billion bond fraud, devastating thousands of… pic.twitter.com/J3IxvdQSne

— Mario Nawfal (@MarioNawfal) December 3, 2024

ଶୁଣାଣି ସମୟରେ କୋର୍ଟ କହିଛନ୍ତି ଯେ ନିୟମ ଅନୁଯାୟୀ ଯଦି ୬୮ ବର୍ଷିୟ ଲାନ୍ ଆୟ ହୋଇଥିବା ଅର୍ଥର ୭୫% ଫେରସ୍ତ କରନ୍ତି, ତେବେ ତାଙ୍କ ଦଣ୍ଡ ଆଜୀବନ କାରାଦଣ୍ଡରେ ପରିଣତ ହୋଇପାରିବ। ଏପ୍ରିଲରେ କୋର୍ଟ ଲାନଙ୍କୁ ଦୋଷୀ ସାବ୍ୟସ୍ତ କରିଥିଲେ। ଏହି ମାମଲାରେ ଲାନଙ୍କ ସ୍ୱାମୀ ଏବଂ ଜ୍ୱାଇଁଙ୍କ ସମେତ ମୋଟ ୮୫ ଅଭିଯୁକ୍ତ ଥିଲେ।