ଭୁବନେଶ୍ବର ୩୦।୩: ଓଡ଼ିଶା ୱାଟର ସପ୍ଲାଏ ଆଣ୍ଡ ସ୍ୱେରେଜ୍ ବୋର୍ଡ (OWSSB) ଆସିଷ୍ଟାଣ୍ଟ ପ୍ରୋଜେକ୍ଟ ମ୍ୟାନେଜର ଦେବାଶିଷ ସାହୁ ଗିରଫ ହୋଇଛନ୍ତି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ତାଙ୍କୁ ଭିଜିଲାନ୍ସ ଗିରଫ କରିଛି । ଗିରଫ ଅଧିକାରୀଙ୍କର ୩ଟି ବହୁତଳ କୋଠା, ଜଟଣୀରେ ୨ଟି ପ୍ଲଟ୍ ଠାବ ହେବା ସହ ୨୦୦ ଗ୍ରାମ୍ ସୁନା ଜବତ ହୋଇଥିଲା ।
ସୂଚନାଯୋଗ୍ୟ ଯେ, ଶନିବାର ସକାଳୁ ଭିଜିଲାନ୍ସ ଟିମ୍ ଦେବାଶିଷ ସାହୁଙ୍କ ଜଟଣୀ ସ୍ଥିତ ଘର, ଭୁବନେଶ୍ୱର ଅଫିସ୍, ପୈତୃକ ଘର, କଟକ ଚୌଦ୍ୱାରରେ ଥିବା ସମ୍ପର୍କୀୟଙ୍କ ଘର ସହ ମୋଟ୍ ୭ଟି ସ୍ଥାନରେ ଚଢ଼ଉ କରିଥିଲା । ଏହି ସମୟରେ ତାଙ୍କ ନିକଟରୁ ୧୦ କୋଟିରୁ ଅଧିକ ଟଙ୍କାର ସମ୍ପତ୍ତି ଠାବ ହୋଇଥିଲା । ସ୍ଥାବର ଅସ୍ଥାବର ସମ୍ପତ୍ତି ମଧ୍ୟରେ ରହିଛି, ଜଟଣୀ କଲେଜ୍ ରୋଡ୍ରେ ଦୁଇ ମହଲା ଘର । ଯାହା ୬୩୦୦ ବର୍ଗଫୁଟ୍ରେ ଠିଆ ହୋଇଛି । ଜଟଣୀ ପଟେଲ୍ ମାର୍ଗରେ ୨୫୦୦ ବର୍ଗଫୁଟ୍ରେ ରହିଛି ଆଉ ଏକ ଦୁଇ ମହଲା ଘର । ସେହି ପଟେଲ୍ ମାର୍ଗରେ ୪୮୦୦ ବର୍ଗଫୁଟ୍ରେ ତିଆରି ଚାଲିଛି ୩ ମହଲା ଘର, ବନଦୁର୍ଗା ମାର୍କେଟ୍ କମ୍ପେ୍ଲକ୍ସରେ ୨ଟି ଘର ଠାବ ହୋଇଛି । ଏହାଛଡା ତାଙ୍କ ଆଇଗଣିଆ ପୈତୃକ ଘରେ ଚଢ଼ଉ ସମୟରେ ୧ ଲକ୍ଷ ୫୭ ହଜାର ଟଙ୍କା, ୨୦୦ ଗ୍ରାମ୍ ସୁନା ଅଳଙ୍କାର, ୫୬ ଲକ୍ଷ ଟଙ୍କା ବୀମା ଓ ବ୍ୟାଙ୍କ୍ ଜମା, ୩ଟି ବାଇକ୍ ଓ ୧୦ ଲକ୍ଷ ଟଙ୍କା ମୂଲ୍ୟର ଦାମୀ ଗୃହ ଉପକରଣ ଠାବ ହୋଇଛି । ସେ ତାଙ୍କ ସମ୍ପର୍କୀୟଙ୍କ ନାଁରେ ଅନେକ ସମ୍ପତ୍ତି କରିଥିବା ଭିଜିଲାନ୍ସ ଜାଣିବାକୁ ପାଇଛି ।
ଶନିବାର ଭୋର ସମୟରୁ ଆରମ୍ଭ ହୋଇଥିବା ଚଢ଼ଉ ସନ୍ଧ୍ୟା ପର୍ଯ୍ୟନ୍ତ ଚାଲିଥିଲା । ଏହି ଚଢ଼ଉ ସମୟରେ ୭ ଜଣ ଡିଏସ୍ପି, ୯ ଜଣ ଇନ୍ସପେକ୍ଟର, ୧୦ ଜଣ ଏଏସ୍ଆଇ ଓ ଅନ୍ୟ କର୍ମଚାରୀମାନେ ସାମିଲ ଥିଲେ ।
You Can Read:
ସମୟ ନଦେଇ ବିଦ୍ୟୁତ ସଂଯୋଗ ବିଚ୍ଛିନ୍ନ କଲା ଟାଟା ପାୱାର, ପ୍ରତିବାଦରେ ଧାରଣାରେ ବସିଲେ ଗ୍ରାମବାସୀ
