ମୁମ୍ଵାଇ ୦୩।୦୭: ଟି -୨୦ ୱାର୍ଲ୍ଡକପ୍ ୨୦୨୪ ଟାଇଟଲ ଜିତିବା ପରେ ମଧ୍ୟ ଭାରତୀୟ ଦଳ ବାର୍ବାଡୋସ୍ରେ ଅଟକି ରହିଛି। ଝଡ଼ ଯୋଗୁଁ ବିମାନ ବନ୍ଦର ବନ୍ଦ ହୋଇଯାଇଛି। ଯେଉଁଥିପାଇଁ ଭାରତୀୟ ଦଳ ଏପର୍ଯ୍ୟନ୍ତ ବିମାନ ଉଡ଼ାଣ କରି ପାରିନାହାଁନ୍ତି। ଭାରତୀୟ ଦଳର ପ୍ରଶଂସକମାନେ ଉତ୍ସାହର ସହିତ ସେମାନଙ୍କ ପ୍ରିୟ ଖେଳାଳୀଙ୍କୁ ଅପେକ୍ଷା କରିଛନ୍ତି। ସମସ୍ତେ ସେହି ମୁହୂର୍ତ୍ତକୁ ଅପେକ୍ଷା କରିଛନ୍ତି। କ୍ରିକେଟ୍ ପ୍ରଶଂସକଙ୍କ ଏହି ଅପେକ୍ଷା ମଧ୍ୟରେ ଭାରତୀୟ ଦଳର ଖେଳାଳିଙ୍କ ଭିଡିଓ ଏବଂ ଫଟୋ ମଧ୍ୟ ବାହାରକୁ ଆସୁଛି। ଯେଉଁଥିରେ ସେମାନେ ସେଲିବ୍ରେସନ କରୁଥିବା ନଜର ଆସିଥିଲେ ଏବଂ ବେଳେବେଳେ ସେ ତାଙ୍କ ପରିବାର ସହିତ ଭିଡିଓ କଲ୍ରେ କଥା ହେଉଥିବା ନଜର ଆସିଛନ୍ତି। ଏହାରି ମଧ୍ୟରେ ବିରାଟଙ୍କର ଏପରି ଏକ ଭିଡିଓ ଭାଇରାଲ ହେବାରେ ଲାଗିଛି। ଯାହାକୁ ଲୋକମାନେ ବହୁତ ପସନ୍ଦ କରୁଛନ୍ତି।
Virat Kohli shows Hurricane to Anushka Sharma on Video Call 🥰❤️ pic.twitter.com/j7Ru54dUMW
— Virat Kohli Fan Club (@Trend_VKohli) July 2, 2024
ଭାଇରାଲ ଭିଡିଓରେ ବିରାଟ କୋହଲି ତାଙ୍କ ପତ୍ନୀ ଅନୁଷ୍କା ଶର୍ମାଙ୍କ ସହ ଭିଡିଓ କଲରେ କଥା ହେଉଥିବା ନଜର ଆସିଛନ୍ତି। ସେ ହୋଟେଲ ୱିଣ୍ଡୋରୁ ଅନୁଷ୍କାଙ୍କୁ ବାର୍ବାଡୋସର ପାଗ ଦେଖାଉଥିଲେ। ବିରାଟଙ୍କ ଏହି ମୁହୂର୍ତ୍ତକୁ କେହି ଜଣେ କ୍ୟାମେରାରେ କଏଦ କରିଥିଲେ ଏବଂ ବର୍ତ୍ତମାନ ଏହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଲୋକମାନେ ଏହି ଭିଡିଓକୁ ସେମାନଙ୍କର X ଆକାଉଣ୍ଟରୁ ରିଟ୍ୱିଟ କରୁଛନ୍ତି।
ଏହାପୂର୍ବରୁ ବିରାଟ କୋହଲି ଅନୁଷ୍କା ଶର୍ମାଙ୍କ ସହ ଇନଷ୍ଟାଗ୍ରାମରେ ଟି -୨୦ ବିଶ୍ୱକପ ୨୦୨୪ ଟାଇଟଲ ଜିତିବା ଏବଂ ଅବସର ଘୋଷଣା କରିବା ପରେ ଏକ ଫଟୋ ପୋଷ୍ଟ କରିଥିଲେ। ଯେଉଁଥିରେ ବିରାଟ ଅନୁଷ୍କା ଶର୍ମାଙ୍କୁ କୃତଜ୍ଞତା ଜଣାଇଥିଲେ ଏବଂ ତାଙ୍କର ଚମତ୍କାର ଯାତ୍ରା ପାଇଁ ତାଙ୍କୁ ଶ୍ରେୟ ଦେଇଥିଲେ।