ନୂଆଦିଲ୍ଲୀ ୧୩।୧୧: ଟିମ୍ ଇଣ୍ଡିଆର ୨ ବରିଷ୍ଠ ଖେଳାଳି ରୋହିତ ଶର୍ମା ଏବଂ ବିରାଟ କୋହଲି । ବର୍ତ୍ତମାନ ବର୍ଡର-ଗାଭାସ୍କର ଟ୍ରଫି ଖେଳୁଥିବା ଆସିବେ ନଜର । କିନ୍ତୁ ଅଧିନାୟକ ରୋହିତ ଶର୍ମା ପ୍ରଥମ ଟେଷ୍ଟରୁ ବଞ୍ଚିତ ହେବାକୁ ଯାଉଛନ୍ତି । ଚଳିତ ବର୍ଷ ଟେଷ୍ଟ ମ୍ୟାଚ୍ରେ ଉଭୟ ରୋହିତ ଏବଂ ବିରାଟ ଭଲ ପ୍ରଦର୍ଶନ କରିପାରି ନାହାଁନ୍ତି ।
୨୦୨୪ରେ ରୋହିତଙ୍କ ଟେଷ୍ଟ ଆଭରେଜ୍ ୨୯.୪୦ ଏବଂ କୋହଲିଙ୍କ ଆଭରେଜ୍ ମାତ୍ର ୨୨.୭୨ ରହିଛି । କିନ୍ତୁ ଏମାନଙ୍କ ବ୍ୟାଟ୍ କୌଣସି ବି ସମୟରେ ରନ୍ ସ୍କୋର କରିବାରେ ସକ୍ଷମ । କେବଳ ଉଭୟେ ଭଲ ଟଚ୍ ରହିବା ଆବଶ୍ୟକ । କିନ୍ତୁ ଜାଣନ୍ତି କି ବିରାଟ କୋହଲି ଏବଂ ରୋହିତ ଶର୍ମା ଉଭୟ ବହୁତ ଦାମୀ ବ୍ୟାଟରେ ଖେଳିଥାନ୍ତି । ଏମାନଙ୍କ ବ୍ୟାଟର ଦାମ୍ କେହି ବି ଜାଣିଲେ ହୋଇଯିବେ ଆଶ୍ଚର୍ଯ୍ୟ ।
ଆସନ୍ତୁ ଜାଣିବା ରୋହିତ ନା ବିରାଟ କିଏ ସବୁଠାକୁ ମହଙ୍ଗା ବ୍ୟାଟରେ ଖେଳୁଛନ୍ତି । ରିପୋର୍ଟ ଅନୁଯାୟୀ, ରୋହିତ ଶର୍ମା ଯେଉଁ ବ୍ୟାଟ୍ ଖେଳୁଛନ୍ତି, ତାହାର ଦାମ୍ ୪୫ ହଜାରରୁ ୫୨ ହଜାର ଟଙ୍କା ମଧ୍ୟରେ ରହିଛି । ଏହାର ଓଜନ ପ୍ରାୟ ୧୨୦୦ ଗ୍ରାମ । ହିଟମ୍ୟାନଙ୍କ ବ୍ୟାଟ୍ ଭାରତୀୟ ଟାୟାର୍ କମ୍ପାନୀ 'CEAT' ସ୍ପନସର କରିଥାଏ ।
ସେହିପରି ବିରାଟ କୋହଲିଙ୍କ ବ୍ୟାଟ୍ ଅନ୍ୟ ଏକ ଭାରତୀୟ ଟାୟାର କମ୍ପାନୀ 'MRF' ସ୍ପନସର କରୁଛି । ରିପୋର୍ଟ ଅନୁଯାୟୀ ବିରାଟଙ୍କ ଗୋଟିଏ ବ୍ୟାଟ୍ର ଦାମ୍ ୫୫ ହଜାର । ବିରାଟଙ୍କ ବ୍ୟାଟର ଓଜନ ୧୨୫୦ ଗ୍ରାମରୁ ଅଧିକ ।
କୋହଲି ନିଜ ଟାଇମିଙ୍ଗ୍ ପାଇଁ ତ, କୋହଲି ନିଜର ପାଓ୍ବାର ହିଟିଙ୍ଗ୍ ପାଇଁ ପ୍ରସିଦ୍ଧ । ବିରାଟ ତାଙ୍କ ଅନ୍ତର୍ଜାତୀୟ କ୍ୟାରିୟରରେ ଏପର୍ଯ୍ୟନ୍ତ ୨୭ ହଜାର ୧୩୪ ରନ୍ ସଂଗ୍ରହ କରିଥିବା ବେଳେ ରୋହିତ କରିଛନ୍ତି ୧୯ ହଜାର ୩୬୭ ରନ୍ ।
