ମୁମ୍ଵାଇ ୧୭।୦୧; ପିଲାଙ୍କଠାରେ ଫୁସ୍ଫୁସ୍ ସଂକ୍ରମଣର ଅନେକ କାରଣ ରହିଥାଏ, ଯେପରିକି ଆସ୍ଥମା, ବ୍ରୋଙ୍କାଇଟିସ୍ ଆଦି । ପିଲାଙ୍କ ରୋଗ ପ୍ରତିରୋଧକ ଶକ୍ତି କମ୍ ରହିଥାଏ । ତେଣୁ ଋତୁ ଅବା ସ୍ଥାନ ପରିବର୍ତ୍ତନ ସମୟରେ ପିଲାଙ୍କର ଖାସ୍ ଧ୍ୟାନ ରଖିବାକୁ ପଡିଥାଏ । ଏହା ସତ୍ତେ୍ୱ ମଧ୍ୟ କେବେ କେବେ ପିଲାଙ୍କଠାରେ ଫୁସ୍ଫୁସ୍ ସଂକ୍ରମଣ ଦେଖିବାକୁ ମିଳିଥାଏ । ଏହି ଫୁସ୍ଫୁସ୍ ସଂକ୍ରମଣ ଖୁବ୍ ସାଧାରଣ । ତେଣୁ ମା’ମାନଙ୍କୁ ପିଲାଙ୍କର ଖାସ୍ ଧ୍ୟାନ ରଖିବାକୁ ପଡିଥାଏ । ସଂକ୍ରମଣର ଅନେକ କାରଣ ରହିଛି, ଯେପରିକି –
ବ୍ରୋକିୟୋଲାଇଟିସ୍-ଏହା ଏକପ୍ରକାରର ଫୁସ୍ଫୁସ୍ ସଂକ୍ରମଣ, ଯାହା ପିଲାଙ୍କଠାରେ ଦେଖା ଦେଇଥାଏ । ବିଶେଷକରି ପିଲାଙ୍କ ଫୁସ୍ଫୁସ୍ରେ ଥିବା ଏୟାରୱେଜ୍ରେ ପ୍ରଦାହ ହୋଇଯାଏ । ଫଳରେ ଅତିରିକ୍ତ କଫ ସୃଷ୍ଟି କରିଥାଏ । ଏହି ସ୍ଥିତିରେ ପିଲାକୁ ନିଶ୍ୱାସ ନେବାରେ ସମସ୍ୟା ସୃଷ୍ଟି ହୋଇଥାଏ । ଏହା ମୁଖ୍ୟତଃ ଭାଇରସ୍ ଯୋଗୁ ହୋଇଥାଏ । ବ୍ରୋକିୟୋଲାଇଟିସ୍ ଥଣ୍ଡାକାଶ ଲକ୍ଷଣ ସହ ଆରମ୍ଭ ହୋଇଥାଏ । କିନ୍ତୁ ତୁରନ୍ତ ଉପଚାର ନ କରିବା ଦ୍ୱାରା ସ୍ୱାସ୍ଥ୍ୟବସ୍ଥା ବିଗିଡି ଚାଲେ ।
ଆସ୍ଥମା-ଏହା ଏକ କ୍ରନିକ୍ ରୋଗ । ପ୍ରଦୂଷଣ ସ୍ତର ବଢିଲେ ମଧ୍ୟ ଆସ୍ଥମା ପ୍ରଭାବିତ ହୋଇଥାଏ । ଏପରିକି ଫୁସ୍ଫୁସ୍ ସଂକ୍ରମଣର ପ୍ରମୁଖ କାରଣ ମଧ୍ୟ ସାଜିଥାଏ । ଏହା ରେସ୍ପାରେଟୋରୀ ଜିନତ ଏକ ସଂକ୍ରମଣ । ଆସ୍ଥମା ହେବା ଦ୍ୱାରା ଏୟାର୍ୱେଜ୍ ସଂକୀର୍ଣ୍ଣ ହୋଇପଡେ । ଫଳରେ ପିଲା ନିଶ୍ୱାସ ନେବାରେ ସମସ୍ୟା ଦେଖା ଦିଏ ।
ରେସ୍ପାରେଟୋରୀ ସେନସ୍ିଟିୟଲ ଭାଇରସ୍- ଏହା ଏକ ପ୍ରକାରର ଫୁସ୍ଫୁସ୍ ସଂକ୍ରମଣ । ଏହା ଦୁଇ ବର୍ଷରୁ କମ୍ ପିଲାଙ୍କଠାରେ ଦେଖା ଦେଇଥାଏ । ଋତୁ ବଦଳିବା ସହ ମଧ୍ୟ ଏମାନେ ସଂକ୍ରମିତ ହେବା ସହ ରୋଗଗ୍ରସ୍ତ ହୋଇଥାନ୍ତି । ନିଶ୍ୱାସ ନେବାର ସମସ୍ୟା ହେବା ସହ ଘରଘର ଶବ୍ଦ ବାହାରିଥାଏ । ଫଳରେ ଅଭିଭାବକ ପିଲାକୁ ନେଇ ତୁରନ୍ତ ଡାକ୍ତରଙ୍କ ପାଖରେ ପହଞ୍ଚିଥାନ୍ତି।
ବ୍ରୋଙ୍କାଇଟିସ୍-ବ୍ରୋଙ୍କାଇଟିସ୍ ହେବା ଦ୍ୱାରା ରେସ୍ପାରେଟୋରୀର ତଳ ଭାଗ ଅଧିକ ପ୍ରଭାବିତ ହୋଇଥାଏ । ଫଳରେ ପିଲାଠାରେ କାଶ, ଜ୍ୱର ଓ ଗଳା ସଂକ୍ରମଣ ପରି ଲକ୍ଷଣ ଦେଖା ଦେଇଥାଏ । ଏହି ସମସ୍ୟା ପ୍ରାୟ ଏକ ସପ୍ତାହ ପରେ ଠିକ୍ ହେବା ଆରମ୍ଭ ହୋଇଥାଏ । କିନ୍ତୁ ଚିକିତ୍ସା କରା ନଗଲେ ସ୍ୱାସ୍ଥ୍ୟ ବିଗିଡିପାରେ । ନିମୋନିଆ- ଏହା ଏକ ଗମ୍ଭୀର ଫୁସ୍ଫୁସ୍ ସଂକ୍ରମଣ, ଯାହା ଉଭୟ ପିଲା ଓ ବୟସ୍କଙ୍କୁ ହୋଇଥାଏ । ବିଶେଷଜ୍ଞଙ୍କ ମତରେ ଦୁର୍ବଳ ଇମ୍ୟୁନିଟି ଥିବା ଲୋକଙ୍କଠାରେ ଫୁସ୍ଫୁସ୍ ସଂକ୍ରମଣ ଯେପରିକି ନିମୋନିଆ ପରି ସମସ୍ୟା ଦେଖା ଦେଇଥାଏ । ନିମୋନିଆ ହେଲେ ପିଲାଙ୍କୁ କାଶ ସହ ନିଶ୍ୱାସ ନେବାରେ ସମସ୍ୟା, ଜ୍ୱର ଓ ଥଣ୍ଡା ଲାଗିବା ପରି ଲକ୍ଷଣମାନ ଦେଖିବାକୁ ମିଳିଥାଏ । ଏପରିକି ପିଲାକୁ ନିଦ ମଧ୍ୟ ହୋଇ ନଥାଏ ।
