ମାଥିଲି ୨୭।୮: ମାଲକାନଗିରି ଜିଲ୍ଲା ଖଇରପୁଟ ବ୍ଲକ ଚାପଲପଡା ଗ୍ରାମରେ ଭାଲୁ କାମୁଡାରେ ଜଣେ ଯୁବକ ଗୁରୁତର ହୋଇଛନ୍ତି । ଗୁରୁତର ଯୁବକ ଶ୍ୟାମ ଶିଶା ବୋଲି ଜଣାପଡିଛି । ତାଙ୍କ ବୟସ ୩୭ ବର୍ଷ ।
ଶ୍ୟାମ ଜଙ୍ଗଲରେ ଥିବା ନିଜ ଜମିକୁ ଯାଇଥିବା ବେଳେ ହଠାତ ଏକ ଭାଲୁ ତାଙ୍କୁ ଆକ୍ରମଣ କରିଥିଲା । ସ୍ଥାନୀୟ ଲୋକେ ଜମିରେ କାମ କରୁଥିବା ଛାଡି ଦୌଡ଼ି ଆସିଥିଲେ l ଲୋକଙ୍କ ପାଟି ଶୁଣି ଭାଲୁଟି ଜଙ୍ଗଲକୁ ପଳାଇଥିଲା । ଭାଲୁ ଶ୍ୟାମଙ୍କ ଆଖି ଦୁଇଟି ତାଡି ଦେଇଥିବା ଜଣାପଡିଛି । ତେବେ ସ୍ଥାନୀୟ ଲୋକ ଶ୍ୟାମଙ୍କୁ ଉଦ୍ଧାର କରିଥିଲେ । ଆମ୍ବୁଲାନ୍ସକୁ ଫୋନ୍ କରିଥିଲେ ମଧ୍ୟ ଗାଁକୁ ରାସ୍ତା ନଥିବା ହେତୁ ଗାଁରେ ଆମ୍ବୁଲାନ୍ସ ପହଞ୍ଚି ପାରିଲାନାହିଁ । ଗାଁ ଠାରୁ ପନ୍ଦର କିଲୋମିଟର ଦୂରରେ ଅଟକି ରହିଯାଇଥିଲା l କୌଣସି ବିକଳ୍ପ ନପାଇ ଶ୍ୟାମଙ୍କୁ ପନ୍ଦର କିଲୋମିଟର ଭାରରେ ବୋହି ପରିବାର ଲୋକେ ଆମ୍ବୁଲାନ୍ସ ପାଖରେ ପହଞ୍ଚାଇ ଥିଲେ । ସେଠାରୁ ତାଙ୍କୁ ଖଇରିପୁଟ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ତାଙ୍କ ଅବସ୍ଥା ଗୁରୁତର ସଙ୍କଟ ପୂରଣ ହେବାରୁ ତାଙ୍କୁ କୋରାପୁଟ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।
You Can Read:
