ଆଠଗଡ ୨୫/୦୯: ଖୁଣ୍ଟୁଣୀ ପୋଲିସକୁ ବଡ଼ ସଫଳତା । ଗତ ୨୨ ତାରିଖ ବିଳମ୍ବିତ ରାତିରେ ଖୁଣ୍ଟୁଣୀ ଥାନା ଅନ୍ତର୍ଗତ ଅନନ୍ତପୁର ପଞ୍ଚାୟତ ବ୍ରହ୍ମପୁର ଗ୍ରାମର ହନୁମାନ ମନ୍ଦିର ଏବଂ ମା ସିଦ୍ଧ ନାରାୟଣୀ ମନ୍ଦିରରୁ ଲକ୍ଷାଧିକ ଟଙ୍କାର ସୁନା ଓ ରୂପା ଅଳଂକାର କେହି ଦୁବୃର୍ତ୍ତ ଲୁଟୁ କରିଥିବା ନେଇ ଖୁଣ୍ଟୁଣୀ ଥାନାରେ ଅଭିଯୋଗ ହୋଇଥିଲା ।
ଉକ୍ତ ଅଭିଯୋଗକୁ ଆଧାର କରି ଖୁଣ୍ଟୁଣୀ ପୋଲିସ ଏକ ମାମଲା ରୁଜୁ କରି ତଦନ୍ତ ଜାରି ରଖିଥିଲା। ପୋଲିସ ଉକ୍ତ ଘଟଣାରେ ଦୁଇଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ମାନେ ହେଲେ ଖୁଣ୍ଟୁଣୀ ଥାନା ଅନ୍ତର୍ଗତ ବ୍ରହ୍ମପୁର ଗ୍ରାମର ୨୩ ବର୍ଷୀୟ ଅଜୟ ସାମଲ ଅନ୍ୟ ଜଣଙ୍କ ହେଲେ ଚୌଦ୍ୱାର ଥାନା ଅନ୍ତର୍ଗତ ବାଣୀପଦା ଗ୍ରାମର ୧୯ ବର୍ଷୀୟ ଅରଫାନ ଅଲ୍ଲୀ ।
ତାଙ୍କ ପାଖକୁ ମନ୍ଦିରରୁ ଲୁଟ୍ ହୋଇଥିବା ସୁନା ଓ ରୂପା ଅଳଙ୍କାରକୁ ଉଦ୍ଧାର କରିବା ସହିତ ସେମାନଙ୍କ ନିକଟରୁ ଗୋଟିଏ ଖେଳନା ବନ୍ଧୁକ ଗୋଟିଏ ବୋଲେରୋ ଗାଡ଼ି ଗୋଟିଏ ଟାଟା ମ୍ୟାଜିକ ଗାଡ଼ି ଜବତ କରିଛି । ପୋଲିସ ଦୁଇଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଖୁଣ୍ଟୁଣୀ ଥାନା ଅଧିକାରୀ ରବି ନାରାୟଣ ବେହେରା ସୂଚନା ଦେଇଛନ୍ତି।
