ଭୁବନେଶ୍ୱର,୧୩/୦୨: ଗୋଲଡେନ୍ ବୟ ନୀରଜ ଚୋପ୍ରା । ରେକର୍ଡ ବଏ, ଜାଭେଲିନ୍‌ରେ ରଚିଛନ୍ତି ନୂଆ କୀର୍ତ୍ତିମାନ । ଦୁଇଟି ଅଲିମ୍ପିକ୍ସରେ ହାତେଛନ୍ତି ପଦକ । ଏମିତି ଅନେକ ରେକର୍ଡର ଅଧିକାରୀ ନୀରଜ ଚୋପ୍ରାଙ୍କ ଉଣା ଅଧିକେ ସମସ୍ତେ ଜାଣନ୍ତି । ହେଲେ ଏବେ ନୀରଜଙ୍ଗ ପରେ ରେକର୍ଡ କରିଛନ୍ତି ଆଉ ଜଣେ ଜାଭେଲିନର । 
ନାଁ ତାଙ୍କର ସଚିନ ଯାଦବ । ଜାଭେଲିନ୍ ଥ୍ରୋରେ ଏପରି ଏକ କୃତିତ୍ୱ କରିଛନ୍ତି । ଯାହା ପରେ ତାଙ୍କୁ ସେକେଣ୍ଡ ନୀରଜ ଚୋପ୍ରା କହିବା ଲୋକେ ଆରମ୍ଭ କରିଦେଲେଣି । ୩୮ତମ ଜାତୀୟ କ୍ରୀଡାରେ, ସଚିନ ଯାଦବ ଜାଭେଲିନ୍ ଥ୍ରୋ ଇଭେଣ୍ଟରେ ୧୦ ବର୍ଷର ପୁରୁଣା ରେକର୍ଡ ଭାଙ୍ଗି ସ୍ୱର୍ଣ୍ଣ ପଦକ ଜିତିଛନ୍ତି ।

also read...

IPL ପୂର୍ବରୁ ବଡ ଘୋଷଣା: ବିରାଟ ନୁହେଁ, ଏହି ଖେଳାଳି ହେବେ RCB କ୍ୟାପଟେନ୍

ସୂଚନା ଥାଉକି, ଉତ୍ତରାଖଣ୍ଡରେ ଚାଲିଛି ୩୮ତମ ଜାତୀୟ କ୍ରୀଡା ଉତ୍ସବ । ଇଭେଣ୍ଟରେ ଏପର୍ଯ୍ୟନ୍ତ ଅନେକ ଖେଳାଳି ବିଭିନ୍ନ କ୍ରୀଡ଼ାରେ ପୁରୁଣା ରେକର୍ଡ ଭାଙ୍ଗି ନୂତନ ରେକର୍ଡ ସୃଷ୍ଟି କରିଛନ୍ତି। ଏବେ ଏହି ତାଲିକାରେ ୨୫ ବର୍ଷୀୟ ସଚିନ ଯାଦବଙ୍କ ନାମ ମଧ୍ୟ ସାମିଲ ହୋଇଛି। କେବଳ ଏତିକି ନୁହେଁ, ସେ ନୀରଜ ଚୋପ୍ରାଙ୍କ ରେକର୍ଡ ମଧ୍ୟ ଭାଙ୍ଗିଛନ୍ତି। ନୀରଜ ୨୦୧୫ରେ ଜାତୀୟ କ୍ରୀଡାରେ ୭୩.୪୫ ମିଟର ଫିଙ୍ଗିଥିଲେ। କିନ୍ତୁ ସଚିନ ତାଙ୍କଠାରୁ ବହୁତ ଆଗକୁ ଯାଇଛନ୍ତି । ସେ ଏବେ ଜାତୀୟ କ୍ରୀଡାରେ ଜାଭେଲିନ୍ ଥ୍ରୋ ଇଭେଣ୍ଟରେ ୮୪.୩୯ ମିଟର ଫିଙ୍ଗି ସ୍ୱର୍ଣ୍ଣ ପଦକ ଜିତିଛନ୍ତି।