କାମାକ୍ଷାନଗର ୨୭/୭: ଢେଙ୍କାନାଳ ଅବକାରୀ ବିଭାଗକୁ ବଡ ସଫଳତା । ୩ଟି ବୋଲେରୋ ଓ ଗୋଟିଏ କାର୍ରେ ଚାଲାଣ ପାଇଁ ଯାଉଥିଲା ଗଞ୍ଜେଇ । ୭୦ କେଜି ଗଞ୍ଜେଇ ସହ ୭ ମାଫିଆଙ୍କୁ ବାନ୍ଧିଲା ଅବକାରୀ ବିଭାଗ । ଜବତ ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ ୭ଲକ୍ଷ ଟଙ୍କା ହେବ ।
ବିଳମ୍ବିତ ରାତିରେ କନ୍ଧମାଳ ଓ ବୌଦ୍ଧ ଅଞ୍ଚଳରୁ ଚୋରାରେ ଗଞ୍ଜେଇ ଆସୁଥିବାର ଖବରପାଇ କାମାକ୍ଷାନଗର, ପରଜଙ୍ଗ ଓ ଭୁବନ ଅବକାରୀ ବିଭାଗର ୨୫ ଜଣିଆ କର୍ମଚାରୀ ୪ଟି ଟିମ୍ରେ ବିଭକ୍ତ ହୋଇ ବିଭିନ୍ନ ଅଞ୍ଚଳରେ ଚଢ଼ାଉ କରିଥିଲେ l
ଗିରଫ ୭ ଜଣଙ୍କ ମଧ୍ୟରୁ ୪ ଜଣ କନ୍ଧମାଳର ହୋଇଥିବାବେଳେ ୩ ଜଣ ଭୁବନର । ବୌଦ୍ଧ ଓ କନ୍ଧମାଳ ଅଞ୍ଚଳରୁ ଗଞ୍ଜେଇ ଭୁବନ ଆସୁଥିଲା । ସେଠାରୁ ଢେଙ୍କାନାଳ ସମେତ ଯାଜପୁରରେ ବିକ୍ରି କରାଯାଏ । ଗିରଫ ୭ ଗଞ୍ଜେଇ ମାଫିଆଙ୍କୁ ଆଜି କୋର୍ଟ ଚାଲାଣ କରାଯିବ ।