ନୂଆଦିଲ୍ଲୀ: କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ ଛତିଶଗଡ଼ର ମାଓବଦୀ ପ୍ରବଣ ଜିଲ୍ଲା ବସ୍ତର ଗସ୍ତରେ ଅଛନ୍ତି । ଏହାରି ଭିତରେ ଛତିଶଗଡ଼ର ୮୬ ନକ୍ସଲ ତେଲଙ୍ଗାନାରେ ଆତ୍ମସମର୍ପଣ କରିଛନ୍ତି । ଏମାନଙ୍କ ମଧ୍ୟରେ ଅନେକ ହାର୍ଡକୋର ମାଓବାଦୀ ମଧ୍ୟ ଅଛନ୍ତି । ଏହାକୁ ନକ୍ସଲବାଦ ବିରୋଧୀ ଅଭିଯାନରେ ସୁରକ୍ଷାକର୍ମୀ ବଡ଼ ସଫଳତା ବୋଲି କୁହାଯାଉଛି । ଭଦ୍ରାଦ୍ରି କୋତାଗୁଡେମ ମଲ୍ଟି ଜୋନ୍-୧ର ଆଇଜି ଚନ୍ଦ୍ରଶେଖର ରେଡ୍ଡିଙ୍କ ଉପସ୍ଥିତିରେ ମହେନ୍ଦ୍ରପୁରମ୍ ପୋଲିସ ମୁଖ୍ୟାଳୟ ପହଞ୍ଚି ୮୬ ନକ୍ସଲ ଆତ୍ମସମର୍ପଣ କରିଛନ୍ତି । ଆତ୍ମସମର୍ପଣ କରିଥିବା ମାଓବାଦୀ ଛତିଶଗଡ଼ରେ ଅନେକ ହିଂସା ଘଟଣାରେ ସାମିଲ ଥିଲେ ।
ସୂଚନା ଅନୁସାରେ ଆତ୍ମମର୍ପଣ କରିଥିବା ନକ୍ସଲ ଛତିଶଗଡ଼ର ବିଭିନ୍ନ ଜିଲ୍ଲାର ଅଧିବାସୀ । ୮୬ ନକ୍ସଲଙ୍କ ମଧ୍ୟରେ ୬୬ ଜଣ ପୁରୁଷ ଓ ୨୦ ମହିଳା ସାମିଲ ଅଛନ୍ତି । ଆଇଜି ଚନ୍ଦ୍ରଶେଖର ରେଡ୍ଡି କହିଛନ୍ତି ଯେ ଏହି ମାଓବାଦୀମାନେ ତେଲଙ୍ଗାନା ସରକାରଙ୍କ ଦ୍ୱାରା ଜାରି ଅପରେସନ ‘ଚେୟୁଥା’ ଅଧିନରେ ସରେଣ୍ଡର କରିଛନ୍ତି ।
ଆଇଜି ଚନ୍ଦ୍ରଶେଖର କହିଛନ୍ତି ଯେ ଦେଶରୁ ନକ୍ସଲବାଦ ଶେଷ କରିବା ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ଅଭିଯାନ ଜାରି ରହିଛି । ତେଲଙ୍ଗାନା ସହ ଛତିଶଗଡ଼, ମହାରାଷ୍ଟ୍ର ଓ ଆନ୍ଧ୍ର ପ୍ରଦେଶରେ ମିଳିତ ଅପରେସନ ଜାରି ରହିଛି । ନକ୍ସଲ ପ୍ରବଣ ଅଞ୍ଚଳରେ ଆଣ୍ଟି ନକ୍ସଲ ଅପରେସନରେ ମାଓ ସଂଗଠନଗୁଡ଼ିକ ଭୟଭୀତ ଅଛନ୍ତି । ଏନକାଉଣ୍ଟରରେ ପ୍ରାଣ ହରାଇବା ଭୟରେ ନକ୍ସଲମାନେ ଆତ୍ମସମର୍ପଣ କରୁଛନ୍ତି । ଆଇଜି କହିଛନ୍ତି ଯେ ତେଲଙ୍ଗାନାରେ ଆତ୍ମସମର୍ପଣ କରୁଥିବା ନକ୍ସଲଙ୍କୁ ତତ୍କାଳରେ ୨୫ ହଜାର ଟଙ୍କାର ପ୍ରୋତ୍ସାହନ ରାଶି ଦିଆଯିବ ।
ଉଲ୍ଲେଖଯୋଗ୍ୟ ଯେ ନକ୍ସଲ ସଂଗଠନ ପକ୍ଷରୁ କିଛି ଦିନ ତଳେ ଏକ ପ୍ରେସ ରିଲିଜ୍ ଜାରି ହିଂସା ଛାଡ଼ିବା କଥା କହିଥିଲେ । ଛତିଶଗଡ଼ ସରକାର ମଧ୍ୟ ଶାନ୍ତି ଆଲୋଚନା ପାଇଁ ପ୍ରସ୍ତୁତ ଅଛନ୍ତି, କିନ୍ତୁ ନକ୍ସଲଙ୍କ ସର୍ତ୍ତରେ ଆଲୋଚନା କରିବାକୁ ରାଜି ନୁହନ୍ତି । ହିଂସା ରାସ୍ତା ଛାଡ଼ି ଆତ୍ମସମର୍ପଣ କରିବା ଓ ଆଲୋଚନା ପାଇଁ କହିଥିଲେ । ଏହି କ୍ରମରେ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ୍ ଶାହ ନକ୍ସଲ ପ୍ରସଙ୍ଗରେ ଗୁରୁତ୍ୱପୂର୍ଣ୍ଣ ବୈଠକ କରିବା ପାଇଁ ଛତିଶଗଡ଼ ଗସ୍ତରେ ଅଛନ୍ତି । ଉଲ୍ଲେଖଯୋଗ୍ୟ ଯେ ୨୦୨୬ ମାର୍ଚ୍ଚ ସୁଦ୍ଧା ଦେଶରୁ ନକ୍ସଲବାଦ ଶେଷ କରିବା ପାଇଁ ସରକାର ଲକ୍ଷ୍ୟ ରଖିଛନ୍ତି ।
#WATCH | Dantewada, Chhattisgarh: Union Home Minister Amit Shah says, "Now the time has gone when bullets were fired and bombs exploded here. I have come to request all those people who have weapons in their hands, all the Naxalite brothers, to give up their weapons. No one is… pic.twitter.com/A2j2oOC7El
— ANI (@ANI) April 5, 2025
କେବେ କେବେ ମିଳିଛି ବଡ଼ ସଫଳତା
- ୨୦୨୫ ଜାନୁଆରୀ ୫ରେ ହୋଇଥିବା ଏନ୍କାଉଣ୍ଟରରେ ୫ ନକ୍ସଲ ନିପାତ
- ୨୦୨୬ ଜାନୁଆରୀ ୧୬ରେ ବିଜାପୁର ଜିଲ୍ଲାର ଉସୁର ବ୍ଲକ୍ର ପୂଜାରୀ କାଙ୍କେର ଏବଂ ମାରୁଡ଼ବାକା ଜଙ୍ଗଲରେ ୧୮ ନକ୍ସଲ ନିହତ ହୋଇଥିଲେ ।
- ୨୦୨୫ ଜାନୁଆରୀ ୧୯ରେ ଗରିୟାବନ୍ଦ ଜିଲ୍ଲାରେ ଦୁଇ ଦିନରେ ୧୮ ନକ୍ସଲଙ୍କ ମୃତ୍ୟୁ ହୋଇଥିଲା ।
- ୨୦୨୪ ଏପ୍ରିଲ୍ ୧୬ରେ କାଙ୍କେରରେ ପୋଲିସ-ନକ୍ସଲ ଏନକାଉଣ୍ଟରରେ ୨୯ ନକ୍ସଲ ମୃତ ହୋଇଥିଲେ ।
- ଏପ୍ରିଲ୍ ୩୦ରେ ହୋଇଥିବା ଏନ୍କାଉଣ୍ଟରରେ ୧୦ ନିକ୍ସଲ ନିପାତ
- ୨୦୨୪ ମେ ୧୦ରେ ବିଜାପୁର ପିଡିୟା ଜଙ୍ଗଲରେ ୧୨ ନକ୍ସଲ ନିହତ
- ମେ ୨୫ରେ ସୁକମା ଏବଂ ବିଜାପୁର ଜିଲ୍ଲାରେ ଏନକାଉଣ୍ଟରରେ ୩ ନକ୍ସଲ ସଫା
- ୨୦୨୪ ଜୁନ୍ ୧୦ରେ ବିଜାପୁରରେ ଯବାନଙ୍କ ଗୁଳିରେ ୧୨ ନକ୍ସଲ ନିହତ
- ୨୦୨୪ ଅକ୍ଟୋବର ୪ ଅବୁଝମାଡ଼ ଜଙ୍ଗଲରେ ୩୫ ନକ୍ସଲ ନିହତ ହୋଇଥିଲେ । ଏହା ଦେଶରେ ଆଜି ଯାଏର ସବୁଠୁ ବଡ଼ ପୋଲିସ-ନକ୍ସଲ ଗୁଳିବିନିୟମ ଥିଲା ।
