ବୌଦ୍ଧ ୧/୭: ଧୀବରଙ୍କ ଜାଲରେ ପଡିଲା ବିରାଟକାୟ ବୁଦ ମାଛ । ମାଛର ରେଟ୍ ପ୍ରାୟ ୧୦ ହଜାରରୁ ଅଧିକ । ବିରଳ ମାଛ ଦେଖିବାକୁ ବଜାରରେ ଲୋକଙ୍କ ଭିଡ । ଆଜି ମହାନଦୀରେ ଜଣେ ଧୀବର ମାଛ ଧରୁଥିବାବେଳେ ଜାଲରେ ପଡିଥିଲା ୪୦କେଜିର ବୁଦ ମାଛ । ଏହି ମାଛ ସାତକୋଶିଆରୁ ଆସିଥିବା ଅନୁମାନ କରାଯାଉଛି । ପ୍ରତିବର୍ଷ ମହାନଦୀରେ ଏପରି ବିରଳ ମାଛ ଦେଖିବାକୁ ମିଳିଥାଏ । ବର୍ଷା ହେଲେ ଗୋଳିଆ ପାଣି ଉପର ମୁଣ୍ଡରୁ ଆସିଲେ ସାତକୋସିଆ ଗଣ୍ଡରୁ ଉଠିଆସନ୍ତି ଏହି ମାଛ ।
ଧୀବର ଜଣକ ବିକ୍ରି କରିବାକୁ ସ୍କୁଟିରେ ମାଛ ଧରି ବଜାରକୁ ଆସିଥିଲେ । ସେଠାରେ ବୁଦ ମାଛ ଦେଖିବାକୁ ଲୋକଙ୍କ ଭିଡ ଜମିଥିଲା । ବଜାରରେ ଏହି ମାଛର ଚାହିଦା ଢେର୍ । ଲୋକେ ଏହି ମାଛକୁ ଖାଇବାକୁ ପସନ୍ଦ କରନ୍ତି । ମାଛଟିକୁ କିଛି ଲୋକ ମିଶି ଭାଗ କରି କିଣିନେଇଛନ୍ତି । ମାଛର ମୂଲ୍ୟ ପ୍ରାୟ ୧୦ ହଜାରରୁ ଅଧିକ ରହିଛି । ପୂର୍ବରୁ ମଧ୍ୟ ଅନେକ ଥର ଏହି ବିରଳ ପ୍ରଜାତିର ମାଛ ଧରିଥିବା କହିଛନ୍ତି ଧୀବର ।
