ନୂଆଦିଲ୍ଲୀ: ଦିଲ୍ଲୀ ଓ ହରିୟାଣା ପାଇଁ ପ୍ରାର୍ଥୀ ଘୋଷଣା କଲା ଆମ୍ ଆଦମୀ ପାର୍ଟି। AAP ରାଜଧାନୀ ଦିଲ୍ଲୀରେ ୪ଟି ଲୋକସଭା ଆସନ ଓ ଗୋଟିଏ ହରିୟାଣା ପାଇଁ ପ୍ରାର୍ଥୀ ଘୋଷଣା କରିଛି। ମଙ୍ଗଳବାର ଘୋଷଣା ଅନୁଯାୟୀ ନୂଆଦିଲ୍ଲୀରୁ ସୋମନାଥ ଭାରତୀ, ଦକ୍ଷିଣ ଦିଲ୍ଲୀରୁ ସାହି ରାମ ପେହଲୱାନ, ପୂର୍ବ ଦିଲ୍ଲୀରୁ କୁଲଦୀପ କୁମାର ଏବଂ ପଶ୍ଚିମ ଦିଲ୍ଲୀରୁ ମହାବଳ ମିଶ୍ରଙ୍କୁ ଟିକେଟ୍ ଦିଆଯାଇଛି।
ସାମ୍ବାଦିକ ସମ୍ମିଳନୀରେ AAP ନେତା ସନ୍ଦୀପ ପାଠକ କହିଛନ୍ତି, "AAP ବିରୋଧୀ ମେଣ୍ଟ ଇଣ୍ଡିଆର ଏକ ଅଂଶ। ଆମେ ଆଜି 5 ଜଣ ପ୍ରାର୍ଥୀଙ୍କ ନାମ ଘୋଷଣା କରୁଛୁ, ସେଥିମଧ୍ୟରୁ ୪ ଜଣ ଦିଲ୍ଲୀର ଅଛନ୍ତି।" AAP ନେତାଙ୍କ କହିବାନୁସାରେ, ପୂର୍ବତନ AAP ରାଜ୍ୟସଭା ସାଂସଦ ତଥା ହରିୟାଣା ରାଜ୍ୟ ସଭାପତି ସୁଶୀଲ ଗୁପ୍ତା ଦିଲ୍ଲୀ ନିକଟସ୍ଥ ହରିୟାଣାର କୁରୁକ୍ଷେତ୍ରରୁ ପ୍ରତିଦ୍ୱନ୍ଦ୍ୱିତା କରିବେ।
