ଭୁବନେଶ୍ବର ୨୨।୧୦: ସମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ନନ୍ଦନକାନନର ଉଭୟ ଉଦ୍ୟାନରେ ପୂର୍ବ ପ୍ରସ୍ତୁତି ଆରମ୍ଭ ହୋଇଛି । ଉଦ୍ଧାର କାର୍ଯ୍ୟ ପାଇଁ ଟିମ୍ ତିଆରି କରାଯାଇଛି । ସମସ୍ତ କର୍ମଚାରୀ ମାନଙ୍କୁ ସେହି ଟିମ୍ରେ ବିଭିନ୍ନ କାର୍ଯ୍ୟ ବଣ୍ଟାଯାଇଛି । ବାତ୍ୟା ସମୟରେ ନନ୍ଦନକାନନ ମୁଖ୍ୟ ପାଚେରୀ ଭାଙ୍ଗିବାର ସମ୍ଭାବନା ରହିଥିବାରୁ ଜନ୍ତୁ ମାନେ ଯେପରି ବାହାରକୁ ନବାହାରି ପାରିବେ ସେଥିପାଇଁ ମୁଖ୍ୟ ପାଚେରୀ ଉପରେ ଏକ ଟିମ୍ ବାତ୍ୟା ଆରମ୍ଭରୁ ଶେଷ ପର୍ଯ୍ୟନ୍ତ ନଜର ରଖିବେ । ଉଦ୍ୟାନ ଭିତର ରାସ୍ତା ଓ ଖୁଆଡ଼ ଉପରେ ଗଛ ପଡ଼ିଲେ ତାକୁ ଉଠାଇବା ବ୍ୟବସ୍ଥା କରାଯିବ । ଏକ ପାଟ୍ରୋଲିଂ ଟିମ୍ ସବୁ ସ୍ଥାନ ବୁଲିବ । ବିପଦପୂର୍ଣ୍ଣ ଭାବରେ ଥିବା ଗଛ, ଟିଣ ଓ ଅଦରକାରୀ ପଦାର୍ଥ ମାନଙ୍କୁ ସ୍ଥାନାନ୍ତର କରାଯିବ । ହରିଣ, କୁଜି ହରିଣ, ସମ୍ବର, କୃଷ୍ଣସାର ମୃଗ ଇତ୍ୟାଦି ତୃଣଭୋଜି ପ୍ରାଣୀଙ୍କୁ ଛାଡ଼ିଦେଲେ ବାତ୍ୟା ପୂର୍ବରୁ ଅନ୍ୟ ଖୁଆଡ଼ରେ ରହୁଥିବା ଜନ୍ତୁ ମାନଙ୍କୁ ଫିଡ଼ିଂ ଚ୍ୟାମ୍ବରରେ ରଖାଯିବ । ଆକ୍ବାରିୟମ ଓ ଅନ୍ଧାରୀ ଘରେ ଥିବା ଜେନେରେଟର ମାନଙ୍କରେ ତେଲ ମହଜୁଦ ରହିବ । ପକ୍ଷୀ ଖୁଆଡ଼ରେ ରହୁଥିବା ଚଢ଼େଇ ମାନଙ୍କୁ ସୁରକ୍ଷିତ କରାଯିବ । ଚଡ଼େଇ ଖୁଆଡ଼ ଚାରିକଡ଼କୁ ଜରି ପାଲରେ ଆବଦ୍ଧ କରାଯିବ ।
You Can Read:
ପର୍ଯ୍ୟାପ୍ତ ପରିମାଣରେ ଖାଦ୍ୟ ସାମଗ୍ରୀ ମହଜୁଦ ଅଛି, ଅଯଥା ଭୟଭୀତ ନହେବାକୁ ଯୋଗାଣ ମନ୍ତ୍ରୀଙ୍କ ଅପିଲ୍
