ଲମତାପୁଟ ୧୪।୯: ୫ ଦିନ ପରେ ଆରମ୍ଭ ହେଲା ମାଛକୁଣ୍ଡ ଜଳବିଦ୍ୟୁତ ପ୍ରକଳ୍ପ l ପ୍ରଥମ ପର୍ଯ୍ୟାୟରେ ୧ ନମ୍ବର ୟୁନିଟ କାର୍ଯ୍ୟକ୍ଷମ ହୋଇଥିବା ବେଳେ ଶୁକ୍ରବାର ସନ୍ଧ୍ୟାରେ ୩ ନମ୍ବର ୟୁନିଟ୍ କାର୍ଯ୍ୟକ୍ଷମ ହୋଇଛି l ଦୁଇଟି ୟୁନିଟ୍ କାର୍ଯ୍ୟକ୍ଷମ ହେବା ପରେ ୩୪ ମେଗା ୱାଟ୍ସ ବିଦ୍ୟୁତ ଉତ୍ପାଦନ ଆରମ୍ଭ ହୋଇଛି l ଆନ୍ଧ୍ରପ୍ରଦେଶରୁ ଆସିଥିବା ପ୍ରକଳ୍ପ ଅଧିକାରୀ ମାଛକୁଣ୍ଡ ପ୍ରକଳ୍ପରୁ ଜଳ ନିଷ୍କାସନ ପାଇଁ ଓଡିଶା ଅଗ୍ନିଶମ ବାହିନୀର ସହାୟତା ଲୋଡ଼ିଥିଲେ l
ଗତ ବୁଧବାର ଲମତାପୁଟ ଅଗ୍ନିଶମ ବାହିନୀ ପହଞ୍ଚି ୧୨ ଘଣ୍ଟା ଅକ୍ଲାନ୍ତ ପରିଶ୍ରମ କରି ଜଳ ନିଷ୍କାସନ କରିଥିଲେ l ପ୍ରକଳ୍ପର କର୍ମଚାରୀ ଦୁଇ ଦିନ ଦିନରାତି ମରାମତି କାର୍ଯ୍ୟ କରି ପ୍ୟାନେଲ ଏବଂ ଟର୍ବାଇନ ଗୁଡିକ ସଫାକରି କାର୍ଯ୍ୟକ୍ଷମ କରିବାରେ ସଫଳ ହୋଇଛନ୍ତି । କିନ୍ତୁ ପ୍ରଶ୍ନ ଉଠୁଛି କାହା ଅବହେଳା ପାଇଁ ପ୍ରକଳ୍ପ ଡ୍ୟାମ୍ ଗୁଡିକରେ ଜଳସ୍ତର ବିପଦ ସଙ୍କେତକୁ ଛୁଇଁବା ପରେ ଅଧିକା ଜଳ ନିଷ୍କାସନ ହୋଇଥିଲା l ପ୍ରଥମ ଥର ବନ୍ୟାଜଳ ମାଛକୁଣ୍ଡ ଜଳବିଦ୍ୟୁତ ପ୍ରକଳ୍ପରେ ପ୍ରବେଶ କରି କୋଟି କୋଟି ଟଙ୍କା କ୍ଷତି ସହିବାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି l ଅନ୍ୟପକ୍ଷରେ ଏହି ଘଟଣାକୁ ନେଇ କେହି ମୁହଁ ଖୋଲୁନଥିବା ଦେଖିବାକୁ ମିଳିଛି l
You Can Read:
ପୁରୀରେ ମାତିଲେ ଲୁଟେରା, ଝିଅକୁ ଟ୍ୟୁସନରୁ ଆଣି ଫେରିବା ବେଳକୁ ଘର ଖାଲି