ବେଜିଂ: ବିଶ୍ୱର ସବୁଠାରୁ ଦ୍ରୁତଗାମୀ ଟ୍ରେନ ତ୍ରିଆରି କରୁଛି ଚୀନ। ଯାହାର ଘଣ୍ଟାପ୍ରତି ବେଗ ହେବ ୪୫୦ କିଲୋମିଟର ବା ୨୮୦ ମାଇଲ। ଏହି ଟ୍ରେନ୍ର ଏକ ପ୍ରୋଟୋଟାଇପ୍ ଉନ୍ମୋଚନ କରିଛି ଚାଇନା। ଚୀନ ତିଆରି କରିଥିବା CR450 ପ୍ରୋଟୋଟାଇପ୍ ବିଶ୍ୱର ସବୁଠାରୁ ଦ୍ରୁତଗାମୀ କମର୍ସିଆଲ ଟ୍ରେନ୍ ହେବ।
ଏହା ପୂର୍ବରୁ ୨୯ ଡିସେମ୍ବର ୨୦୨୪ରେ CR450 ବେଜିଂରେ ପ୍ରଦର୍ଶିତ କରାଯାଇଥିଲା। ପରୀକ୍ଷଣ ସମୟରେ, ଡିଜାଇନ ଅନୁସାରେ CR450 ସର୍ବାଧିକ ଗତି ଘଣ୍ଟାପ୍ରତି ୪୫୦ କିଲୋମିଟର ଥିଲା। ତେବେ ଟ୍ରେନ ଜନସେବା ପାଇଁ ଆରମ୍ଭ ହେଲେ ଏହା ଘଣ୍ଟାପ୍ରତି ୪୦୦ କିମି ଯିବ ବୋଲି ଯୋଜନା କରାଯାଉଛି।CR450 ରେ ଅନେକ କଟିଂ ଏଜ୍ ଟେକ୍ନୋଲୋଜୀର ବ୍ୟବହାର କରାଯାଇଛି। ଯାହା ଏହାକୁ ବିଶ୍ୱର ସବୁଠାରୁ ଫାଷ୍ଟ ଟ୍ରେନ୍ କରାଇବ।
ଏରୋ ଡାଇନାମିକ ଡିଜାଇନ୍: ଏହି ଟ୍ରେନ୍ର ଏକ ଚିକ୍କଣ, ସୁଗମ ଆକୃତି ବାୟୁ ପ୍ରତିରୋଧକୁ କମ କରିଥାଏ, ଉନ୍ନତ ଶକ୍ତି ଦକ୍ଷତା ସହିତ ଅଧିକ ଗତିକୁ ସକ୍ଷମ କରିଥାଏ।
ଆଡଭାନ୍ସଡ ମ୍ୟାଟେରିଆଲ୍ସ: ଏହି ଟ୍ରେନ୍ଟି ହାଲୁକା କିନ୍ତୁ ଅତି ଉନ୍ନତମାନର ସାମଗ୍ରୀ ବ୍ୟବହାର କରି ନିର୍ମାଣ କରାଯାଇଛି, ଯାହା ସୁରକ୍ଷା ଓ ଏହାର କାର୍ଯ୍ୟ ଦକ୍ଷତା ଉଭୟକୁ ବୃଦ୍ଧି କରିଥାଏ।
ଷ୍ଟେଟ୍ ଅଫ ଦ ଆର୍ଟ ପ୍ରୋପଲସନ ସିଷ୍ଟମ: ଏକ ଶକ୍ତିଶାଳୀ ଟ୍ରାକ୍ସନ ପ୍ରଣାଳୀ ସହିତ ସଜ୍ଜିତ, CR450 ଦ୍ରୁତ ଗତିରେ ଅତ୍ୟଧିକ ଭାଇବ୍ରେଟନ୍ କରି ସୁନ୍ଦର ଗତିରେ ଯାଇପାରିବ। CRRC (ଚାଇନା ରେଲୱେ ରୋଲିଂ ଷ୍ଟକ୍ କର୍ପୋରେସନ) ଦ୍ୱାରା ଡିଜାଇନ୍ ଏବଂ ନିର୍ମିତ, CR450 କୁ ଚାଇନା ରେଲୱେ ହାଇ-ସ୍ପିଡ୍ (CRH) ଦ୍ୱାରା ପରିଚାଳିତ କରାଯିବ। ଏହି ଟେକ୍ନୋଲୋଜୀ ସହିତ ଚୀନ୍ ହାଇ-ସ୍ପିଡ୍ ରେଳ ତିଆରି କରିବାରେ ସମସ୍ତଙ୍କୁ ଟପି ଆଗକୁ ଯାଉଛି। ରେଳ ଉଦ୍ଭାବନରେ ବିଶ୍ୱସ୍ତରରେ ନିଜର ସ୍ଥିତିକୁ ସୁଦୃଢ଼ କରୁଛି।
