ବ୍ରହ୍ମପୁର ୩୧/୫: ବ୍ରହ୍ମପୁର ହାଉସିଂ ବୋର୍ଡ଼ ଅଞ୍ଚଳର ଟୁନା ଦାସ ହତ୍ୟାକାଣ୍ଡ ଘଟଣାରେ 5 ଜଣଙ୍କୁ ବାନ୍ଧିଛି ପୋଲିସ । ଗିରଫ ୫ ଅପରାଧୀଙ୍କ ଠାରୁ ୩ଟି ଖଣ୍ଡା,୪ଟି ମୋବାଇଲ ଜବତ କରାଯାଇଛି । ପୂର୍ବ ଶତ୍ରୁତାକୁ କେନ୍ଦ୍ର କରି ଘଟିଥିଲା ହତ୍ୟା କାଣ୍ଡ ।୫ ବର୍ଷ ପୂର୍ବରୁ ମୃତକ ଟୁନା ସହ ଅଭିଯୁକ୍ତ ଆର.ମୋହନ ରାଓର ଗଣ୍ଡଗୋଳ ହୋଇଥିଲା । କିଛି ଦିନ ତଳେ ଆର.ମୋହନଙ୍କୁ ଜୀବନରୁ ମାରିଦେବାକୁ ତା ମାଆ ଓ ଭାଇଙ୍କୁ ଟୁନା ଧମକ ଦେଇଥିବା ଅଭିଯୋଗ ହୋଇଥିଲା । ଧମକ ପାଇବା ପରେ ଟୁନାକୁ ରାସ୍ତାରୁ ହଟାଇବାକୁ ସହଯୋଗୀ ସହ ମିଶି ପ୍ଲାନ କରିଥିଲା ମୋହନ । ଆଉ ଟୁନାର ପୁରା ଗତିବିଧି ଉପରେ ନଜର ରଖୁଥିଲେ ଉଭୟ ।
ପ୍ଲାନ ଅନୁସାରେ ୨୮ ତାରିଖ ସଂଧ୍ୟାରେ ଟୁନା ହାଉସିଂ ବୋର୍ଡ ସ୍ଥିତ ଟାଟୁ ଦୋକାନରେ ଥିବାବେଳେ ୫ ଜଣ ଦୋକାନ ଭିତରେ ପଶି ଟୁନାକୁ ମରଣାନ୍ତକ ଆକ୍ରମଣ କରିଥିଲେ । ଟୁନା ରକ୍ତ ଜୁଡୁବୁଡୁ ଅବସ୍ଥାରେ ତଳେ ପଡିଯାଇ ଛଟପଟ ହେଉଥିବାବେଳେ ଘଟଣାସ୍ଥଳରୁ ଚମ୍ପଟ ମାରିଥିଲେ ଆକ୍ରମଣକାରୀ । ଗୁରୁତର ଅବସ୍ଥାରେ ଟୁନାକୁ ବ୍ରହ୍ମପୁର ବଡ ମେଡିକାଲରେ ଭର୍ତ୍ତି କରାଯାଇଥିଲା ସେଠାରେ ମୃତ ଘୋଷଣା କରିଥିଲେ ଡାକ୍ତର । ଟୁନା ଜଣେ ଦୁର୍ଦ୍ଦାନ୍ତ ଅପରାଧୀ ହୋଇଥିବାବେଳେ ତା ନାଁରେ ପୂର୍ବରୁ ଅନେକ ଅପରାଧିକ ମାମଲା ରହିଛି । ପୋଲିସ ୫ ଅଭିଯୁକ୍ତଙ୍କୁ ଧରି ଅଧିକ ଛାନଭିନ ଚଳାଇଛି ।
You Can Read:
ପୁରୀ ବାଣ ବିସ୍ଫୋରଣ ଘଟଣାରେ ଆଉ ୨ ଗୁରୁତରଙ୍କ ମୃତ୍ୟୁ, ୨୪ ଜଣଙ୍କ ଚାଲିଛି ଚିକିତ୍ସା