ଭଦ୍ରକ: ପ୍ରକାଶ ପାଇଛି ଭଦ୍ରକ ସ୍ବୟଂଶାସିତ ମହାବିଦ୍ୟାଳୟ ଯୁକ୍ତ ୩ ପରୀକ୍ଷା ଫଳ। ଭଦ୍ରକ ସ୍ବୟଂଶାସିତ ମହାବିଦ୍ୟାଳୟର ଅଧକ୍ଷ ଡକ୍ଟର ଦୁର୍ଗା ଶଙ୍କର ଦାସ ଫଳାଫଳ ପୁସ୍ତକ ଉନ୍ମୋଚନ କରିଛନ୍ତି । ସ୍ୱାଗତିକା ଦାସ ସମୁଦାୟ ୯୧.୮୫ ପ୍ରତିଶତ ମାର୍କ ରଖି ଭଦ୍ରକ ସ୍ବୟଂଶାସିତ ମହାବିଦ୍ୟାଳୟର ବେଷ୍ଟ ଗ୍ରାଜୁଏଟ ହୋଇଛନ୍ତି ।
ଭଦ୍ରକ ସ୍ବୟଂଶାସିତ ମହାବିଦ୍ୟାଳୟର ଯୁକ୍ତ ୩ ପାଠ୍ୟକ୍ରମରେ ସମୁଦାୟ ୯୦୬ ଜଣ ପରୀକ୍ଷା ଦେଇଥିବା ବେଳେ ୬୬୨ ଜଣ କୃତକାର୍ଯ୍ୟ ହୋଇଛନ୍ତି। କଳାରେ ପ୍ରୀତିସ୍ମିତା ଲାହା ୮୮.୬୫ ପ୍ରତିଶତ । ବିଜ୍ଞାନରେ ସ୍ୱାଗତିକା ଦାସ ୯୧.୮୫ ପ୍ରତିଶତ, ବାଣିଜ୍ୟରେ ସୋନାଲି ସାହୁ ୮୩.୫୬ ପ୍ରତିଶତ ଓ କମ୍ପ୍ୟୁଟର ଆପ୍ଲିକେସନରେ ନିର୍ମଳ ବେହେରା ୮୫.୨୦ ପ୍ରତିଶତ ନମ୍ବର ରଖି ପ୍ରଥମ ହୋଇଛନ୍ତି ।
ଚଳିତ ଥର ପାସ୍ ହାର ୭୩.୦୧ ପ୍ରତିଶତ ରହିଛି । କଳାରେ ୭୮.୦୧ ପ୍ରତିଶତ ପାସ ହାର , ବିଜ୍ଞାନରେ ୬୫.୦୩ ପ୍ରତିଶତ ଓ ବାଣିଜ୍ୟରେ ପାସ୍ ହାର ୬୫.୦୯ ପ୍ରତିଶତ ରହିଛି।