ଭୁବନେଶ୍ବର ୨।୬: ଏଗ୍ଜିଟ୍ ପୋଲ୍ର ଆକଳନକୁ ନେଇ ସବୁଠି ଚର୍ଚ୍ଚା । ଏଗ୍ଜିଟ୍ ପୋଲରେ ଏନଡିଏ ମେଣ୍ଟକୁ ବହୁମତ ମିଳୁଥିବା ଦର୍ଶାଯାଇଛି । ପ୍ରକାଶ ପାଇଥିବା ପ୍ରାୟ ସମସ୍ତ ଏଗ୍ଜିଟ୍ ପୋଲରେ ଏନଡିଏ ସରକାର ଗଢୁଥିବା ଦର୍ଶାଇଛନ୍ତି । ତେବେ ଏଗ୍ଜିଟ୍ ପୋଲ୍ ଉପରେ ପ୍ରତିକ୍ରିୟା ରଖିଛନ୍ତି ବିଜେଡିର ବରିଷ୍ଠ ବିଧାୟକ ପଦ୍ମନାଭ ବେହେରା । ସେ କହିଛନ୍ତି, ଚଳିତ ଥର ଉଭୟ ଲୋକସଭା ଓ ବିଧାନସଭାରେ ବିଜେଡି ଭଲ ପ୍ରଦର୍ଶନ କରିବ । ବିଧାନସଭାରେ ବହୁମତ ସହ ବିଜେଡି ସରକାର ଗଢିବ । ଲୋକସଭାରେ ବି ଭଲ ରେଜଲ୍ଟ କରିବ ଦଳ । ଏଗ୍ଜିଟ୍ ପୋଲ୍ ଏକ ଆକଳନ, ଏହା ସବୁବେଳେ ସଠିକ୍ ହୁଏନି । ବାସ୍ତବ କଥା ହେଲା ଓଡ଼ିଶାରେ ବିଜେଡି ବହୁମତ ସହ ସରକାର ଗଢିବାକୁ ଯାଉଛି । ଏଥିରେ ସନ୍ଦେହ ନାହିଁ ଯେ, ମୁଖ୍ୟମନ୍ତ୍ରୀ ଆସନ୍ତା ୯ ତାରିଖରେ ଶପଥଗ୍ରହଣ କରିବାକୁ ଯାଉଛନ୍ତି ବୋଲି ପଦ୍ମନାଭ ବେହେରା କହିଛନ୍ତି ।
ସୂଚନାଯୋଗ୍ୟ ଯେ, ୬ଟି ସଂସ୍ଥାର ଏଗ୍ଜିଟ୍ ପୋଲ୍ରେ ଏନ୍ଡିଏକୁ ୩୫୦ରୁ ଅଧିକ ଆସନ ମିଳିବ ବୋଲି କୁହାଯାଇଛି । ଇଣ୍ଡିଆ ଟିଭି କହିଛି ଯେ, ଏନ୍ଡିଏ ୩୭୧ରୁ ୪୦୦ ଆସନ ଜିତିବ । ଅନ୍ୟପକ୍ଷରେ ଇଣ୍ଡିଆ ମେଣ୍ଟକୁ ୧୦୯ରୁ ୧୩୯ ଆସନ ମିଳିବାର ସମ୍ଭାବନା ରହିଛି । ସାମ୍-ଜନ୍ କି ବାତର ଆକଳନ ଅନୁସାରେ ଏନ୍ଡିଏ ୩୭୭, ଇଣ୍ଡିଆ ମେଣ୍ଟ ୧୫୧ ଏବଂ ଅନ୍ୟାନ୍ୟ ଦଳ ୧୫ ଆସନ ପାଇବେ । ଇଣ୍ଡିଆ ନ୍ୟୁଜ-ପୋଲଷ୍ଟ୍ରେଟ ଆକଳନ କହିଛି ଏନ୍ଡିଏ ୩୭୧, ଇଣ୍ଡିଆ ୧୨୫ ଓ ଅନ୍ୟାନ୍ୟ ଦଳକୁ ୪୭ ଆସନ ମିଳିବ । ରିପବ୍ଲିକ ଭାରତ-ମ୍ୟାଟ୍ରିଜ ଆକଳନ କରିଛି କି ଏନ୍ଡିଏ ୩୬୧, ଇଣ୍ଡିଆ ମେଣ୍ଟ ୧୨୬ ଓ ଅନ୍ୟାନ୍ୟ ୫୬ ଆସନ ହାତେଇବେ । ରିପବ୍ଲିକ ଟିଭି-ପିମାର୍କ ଆକଳନ ଅନୁସାରେ ଏନ୍ଡିଏ ୩୫୯, ଇଣ୍ଡିଆ ମେଣ୍ଟ ୧୫୪ ଓ ଅନ୍ୟାନ୍ୟ ଦଳ ହାତକୁ ୩୦ଟି ଆସନ ଯିବ । ଇଣ୍ଡିଆ ନ୍ୟୁଜ-ଡି ଡାଇନାମିକ୍ସ ଆକଳନ କରିଛି ଏନ୍ଡିଏ ୩୭୧, ଇଣ୍ଡିଆ ମେଣ୍ଟ ୧୨୫ ଓ ଅନ୍ୟାନ୍ୟ ଦଳ ୪୭ ଆସନ ପାଇବେ । ନ୍ୟୁଜ ନେସନ କରିଥିବା ଏଗଜିଟ୍ ପୋଲ ଅନୁସାରେ ଏନ୍ଡିଏକୁ ୩୬୦, ଇଣ୍ଡିଆ ମେଣ୍ଟକୁ ୧୬୧ ଓ ଅନ୍ୟ ଦଳ ୨୨ ଆସନ ପାଇବାର ସମ୍ଭାବନା ରହିଛି । ସେହିଭଳି ପୋଲ୍ ଅଫ୍ ପୋଲ୍ସ ଆକଳନ ଅନୁସାରେ ଏନଡିଏ ୩୬୭ ଆସନ ପାଇବାକୁ ଥିବାବେଳେ ଇଣ୍ଡିଆ ମେଣ୍ଟ ୧୪୦ ଏବଂ ଅନ୍ୟାନ୍ୟ ଦଳ ୩୬ଟି ଆସନରେ ବିଜୟୀ ହେବେ ।
ସେପଟେ ଜନ୍ କି ବାତ୍ ର ଆକଳନ ଅନୁସାରେ ଓଡିଶାରେ ବିଜେପିକୁ ୧୫ରୁ ୧୮ ଏମ୍ପି ସିଟ୍, ବିଜେଡି ୩-୭, କଂଗ୍ରେସ ୧ଟି ଆସନ ପାଇବାର ସମ୍ଭାବନା ରହିଛି । ସେହିଭଳି ଇଣ୍ଡିଆ ଟିଭି ଆକଳନ କରିଛି ବିଜେପି ୧୫-୧୭, ବିଜେଡି ୪-୬, କଂଗ୍ରେସକୁ ୧ଟି ଆସନ ଯାଉଛି । ସି-ଭୋଟର ଅନଯାୟୀ, ବିଜେପିକୁ ୧୭ରୁ ୧୯ ଆସନ, ବିଜେଡିକୁ ୧-୩, କଂଗ୍ରେସ ୧ଟି ଆସନ ପାଇବ । ଆଜତକ୍ ଅନୁସାରେ ବିଜେପିକୁ ୧୮ରୁ ୨୦, ବିଜେଡିକୁ ୨, କଂଗ୍ରେସ/ଜେଏମ୍ଏମ୍କୁ ୧ ଆସନ ଯିବ ।
You Can Read :
ରକ୍ତ ଜୁଡୁବୁଡୁ ଅବସ୍ଥାରେ ମୃତଦେହ ଉଦ୍ଧାର, ହତ୍ୟା କରି ଫିଙ୍ଗି ଦେଇଥିବା ଅଭିଯୋଗ