ଗୁଣୁପୁର ୧୯।୧୨: ରାୟଗଡା ଜିଲ୍ଲା ପୁଟାସିଂ ଥାନା ରେଗେଇସିଂ ଗାଁରେ ନିର୍ମମ ହତ୍ୟାକାଣ୍ଡ । ମୃତ ବ୍ୟକ୍ତି ଜଣଙ୍କ ହେଲେ ଡାନିଏଲ ଶବର । ତାଙ୍କ ବୟସ ପ୍ରାୟ ୫୦ ବର୍ଷ ହେବ ବୋଲି ଜଣାପଡିଛି । 

ସୂଚନାଯୋଗ୍ୟ ଯେ, ଡାନିଏଲ ସକାଳ ସମୟରେ ଲଙ୍କା ତୋଳିବା ପାଇଁ ବାଡ଼କୁ ଯାଇଥିଲେ । ହେଲେ ଆଉ ଘରକୁ ଫେରି ନଥିଲେ । ଘର ଲୋକ ଖୋଜିଖୋଜି କରି ବାଡ଼କୁ ଯାଇଥିଲେ । ସେଠାରେ ଡାନିଏଲଙ୍କ ମୃତଦେହ ପଡିଥିବା ଦେଖିବାକୁ ପାଇଥିଲେ । ଡାନିଏଲଙ୍କ ଗଳା ଓ ଗୋଡ଼ରେ ଧାରୁଆ ଅସ୍ତ୍ରରେ ଆକ୍ରମଣ କରାଯାଇଥିବା ଦେଖିବାକୁ ମିଳିଛି । ପରେ ପରିବାର ପକ୍ଷରୁ ପୁଟାସିଂ ଥାନାରେ ଲିଖିତ ଅଭିଯୋଗ କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ଅନୁସନ୍ଧାନ ଚଳାଇଛି । ତେବେ କାହିଁକି ଏବଂ କେଉଁ ପରିସ୍ଥିତିରେ କିଏ ଏଭଳି ନିର୍ମମ ହତ୍ୟାକାଣ୍ଡ ଘଟାଇଛି ସେନେଇ ପୋଲିସ କିଛି ତଥ୍ଯ ପାଇପାରି ନଥିବା ଜଣାପଡିଛି ।

You Can Read:

ସରକାରଙ୍କ ଶିମିଳିପାଳ ସୁରକ୍ଷା ଚିନ୍ତା, ମୁତୟନ ହେବେ ଗୋଟିଏ କମ୍ପାନୀ ଆର୍ମଡ୍ ଫୋର୍ସ