ଭଦ୍ରକ ୧୮/୧୨: ଭଦ୍ରକ-ଆନନ୍ଦପୁର ରାସ୍ତାରେ ବସ୍ ଚଳାଚଳ ବନ୍ଦ । ଦୁର୍ଘଟଣାରେ ମୃତ୍ୟୁ ପରେ କ୍ଷତିପୂରଣ ଦାବି ନେଇ ଛିଡୁନି ବିବାଦ । ୨ ଦିନ ପୂର୍ବରୁ ଭଦ୍ରକରୁ ଆନନ୍ଦପୁର ଯାଉଥିବା ବସ୍ ଅରୁପାନନ୍ଦ ଟିଲୋ ଜାଗୁଳାଇପଦା ନିକଟରେ ସୁଧାକର ଧଳଙ୍କୁ ଧକ୍କା ଦେଇ ରାସ୍ତାକଡକୁ ଓଲଟି ପଡିଥିଲା । ଘଟଣାସ୍ଥଳରେ ସୁଧାକରଙ୍କ ମୃତ୍ୟୁ ହୋଇଥିଲା । ଅନ୍ୟ ୧୦ ଯାତ୍ରୀ ଆହତ ହୋଇଥିଲେ । ଦୁର୍ଘଟଣା ପରେ କ୍ଷତିପୂରଣ ଦାବିରେ ରାସ୍ତାରୋକ ହୋଇଥିଲା । କିନ୍ତୁ ବସ ମାଲିକ ସଂଘ ଓ ପ୍ରଶାସନିକ ଅଧିକାରୀଙ୍କ ଉପସ୍ଥିତିରେ ବୈଠକରେ କ୍ଷତିପୂରଣ ରାଶିକୁ ନେଇ କୌଣସି ସମାଧାନ ହୋଇପାରି ନଥିଲା । ସ୍ଥାନୀୟ ଲୋକେ ଅତ୍ୟଧିକ କ୍ଷତିପୂରଣ ରାଶି ଦାବି କରୁଥିବାରୁ ସମାଧାନର ବାଟ ବାହାରିପାରୁନି । ସ୍ଥାନୀୟ ଲୋକେ ବସ ଚଳାଚଳ କରାଇ ନଦେବାକୁ ଅଡି ବସିଛନ୍ତି । ସେପଟେ ଦୂର ଦୁରାନ୍ତ ରୁ ଆସିଥିବା ଯାତ୍ରୀ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି ।
