ଲକ୍ଷ୍ନୌ: ମଝି ଆକାଶରେ ବିମାନରେ ବୈଷୟିକ ତୃଟି । ଜରୁରୀକାଳୀନ ଅବତରଣ କଲା ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଫ୍ଲାଇଟ୍ । ଆଗ୍ରାରୁ ଲକ୍ଷ୍ନୌ ଯାଉଥିବା ବେଳେ ବିମାନରେ ସମସ୍ୟା ଦେଖା ଦେଇଥିଲା । ଦେଢ଼ ଘଣ୍ଟା ପରେ ପୁଣି ଥରେ ଉଡ଼ାଣ ଭରିଛି ବିମାନ ।
ସୂଚନା ଅନୁଯାୟୀ, ବୁଧବାର ୟୁପି ମୁଖ୍ୟମନ୍ତ୍ରୀ ଜିଆଈସି ମୈଦାନରେ ସରକାରଙ୍କ ୮ ବର୍ଷ ପୂର୍ତ୍ତୀ ଅବସରରେ ଆୟୋଜିତ କାର୍ଯ୍ୟକ୍ରମରେ ସାମିଲ୍ ହୋଇଥିଲେ । କାର୍ଯ୍ୟକ୍ରମ ସରିବା ପରେ ସେ ଲକ୍ଷ୍ନୌ ଫେରିବା ପାଇଁ ଖୋରୟା ଏୟାରପୋର୍ଟରେ ପହଞ୍ଚିଥିଲେ । ଏହି ସମୟରେ ବିମାନରେ ବୈଷୟିକ ତୃଟି ଦେଖା ଦେଇଥିଲା । ଫଳରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ପ୍ରାୟ ଦେଢ଼ ଘଣ୍ଟା ଆଗ୍ରାରେ ରହିବାକୁ ପଡ଼ିଥିଲା । ପରେ ବିମାନ ଲକ୍ଷ୍ନୌ ପାଇଁ ଉଡ଼ାଣ ଭରିଥିଲା ।
ବୁଧବାର ୟୁପି ସରକାରଙ୍କ ୮ ବର୍ଷ ପୂରଣ ହୋଇଛି । ଏହି ଅବସରରେ ଏକ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜନ ହୋଇଥିଲା । ଏହି ୟୁପି ମୁଖ୍ୟମନ୍ତ୍ରୀ ସାମିଲ୍ ହୋଇ ୬୩୫ କୋଟିର ୧୨୮ଟି ଜନକଲ୍ୟାଣ କାର୍ଯ୍ୟକ୍ରମର ଶିଳାନ୍ୟାସ ଓ ଶୁଭାରମ୍ଭ କରିଛନ୍ତି ।
