ନୂଆଦିଲ୍ଲୀ; ଭଡ଼ାରେ ଗର୍ଭ ଧାରଣ । ସରୋଗେସିରେ ପିଲା ଜନ୍ମ । ଉଧାରୀ ଗର୍ଭ । କିଛି ଦିନ ପୂର୍ବରୁ ନୂଆ ଲାଗୁଥିବା ଏ ଶବ୍ଦ ଏବେ ସତେ ଯେପରି ଶବ୍ଦକୋଷରୁ ହଟିଗଲାଣି । ଉଧାରୀରେ ଗର୍ଭ ଧାରଣ ପାଇଁ ମିଳୁନାହାନ୍ତି ମହିଳା । କମିବାରେ ଲାଗିଛି ସରୋଗେସି ବନ୍ଦୋବସ୍ତ । ଯାହା ଫଳରେ ଭଡ଼ା ଗର୍ଭ ଶବ୍ଦ ବ୍ୟବହାର କମିଛି । ସରୋଗେସିର ଅର୍ଥ ହେଉଛି, ବଡ଼ ବଡ଼ିଆଙ୍କ ପାଇଁ ସାଧାରଣ ମହିଳା ଗର୍ଭ ଧାରଣ କରିଥାନ୍ତି । ୯ ମାସ ପିଲାକୁ ପେଟରେ ପାଳିବା ପରେ ଶିଶୁକୁ ଜନ୍ମ ଦେଇ ଫେରାଇ ଦେଇଥାନ୍ତି । ବିଶେଷ କରି ବିଦେଶୀ ଦମ୍ପତିମାନେ ସରୋଗେସି ବନ୍ଦୋବସ୍ତ ବେଶ୍ ଆପଣାଇଥାନ୍ତି ।
ବିଦେଶୀ କପଲ୍ଙ୍କ ପାଇଁ ଭାରତ ସରୋଗେସି ଟୁରିଜମ୍ । ଉଧାରୀ ଗର୍ଭ ପାଇଁ ବାରମ୍ବାର ଭାରତ ଆସୁଥିଲେ ଦମ୍ପତି । ଭାରତକୁ କୁହାଯାଉଥିଲା ବେବି ଫ୍ୟାକ୍ଟ୍ରି । ଏଥିପାଇଁ ସ୍ବତନ୍ତ୍ର କ୍ଲିନିକ୍ ମଧ୍ୟ ଗଢ଼ି ଉଠିଥିଲା । ଇଚ୍ଛା ନଥିଲେ ବି ସ୍ବଳ୍ପ କିଛି ପାଇସା ପାଇଁ ଏହି କାମ କରୁଥିଲେ କିଛି ମହିଳା । ଭଡ଼ାରେ ଗର୍ଭ ଧାରଣ କରିବା ଠାରୁ ଶିଶୁ ଜନ୍ମ ହେବା ପର୍ଯ୍ୟନ୍ତ ହସ୍ପିଟାଲ ସମସ୍ତ ସୁବିଧା କରାଉଥିଲେ । ଧୀରେ ଧୀରେ ଏହା ବଢ଼ିବାରେ ଲାଗିଲା । ବେଆଇନ ଭାବେ ଭଡ଼ାରେ ଗର୍ଭ ଯୋଗାଇ ଦେଲେ ଛୋଟ ଛୋଟ କ୍ଲିନିକ୍ ଓ ହସ୍ପିଟାଲ । ଏହା ଅଙ୍କୁଶ ଲଗାଇବାକୁ କେନ୍ଦ୍ର ସରକାର ଆଣିଲେ ଆଇନ । ହେଲେ ପ୍ରଚୁର ପଇସା ମିଳୁଥିବାରୁ ଏହା ଉପରେ ସାମାନ୍ୟ ରୋକ୍ ଲାଗି ପାରିଲା ।
ଏବେ ପୁଣି ମୁଣ୍ଡ ଟେକିଲା ସରୋଗେସି କାରବାର । ଦିଲ୍ଲୀରେ ଆକ୍ଟିଭ୍ ହେଲେଣି ଏଜେଣ୍ଟ । ୧୫ରୁ ୪୦ ଲକ୍ଷ ଟଙ୍କାରେ ଡିଲ୍ କ୍ଲୋଜ୍ । ଚୁପଚାପ୍ ଚାଲିଛି ବେଆଇନ ବ୍ୟବସାୟ । ସରୋଗେସି ପାଇଁ ଗୁରୁଗ୍ରାମରେ ଡାକ୍ତରଙ୍କ ପୂର୍ବରୁ କୋର୍ଡିନେଟର ଡିଲ୍ ଫାଇନାଲ୍ କରୁଛନ୍ତି । ଯେବେ ସୁନ୍ଦର ଏବଂ ସୁସ୍ଥ ମହିଳା ସେହି ହିସାବରେ ପଇସା । ରେଟ୍ ବୁଝାମଣା ପରେ ଉଧାରୀ ଗର୍ଭ ପାଇଁ ୧୦ରୁ ୧୫ଟି ମହିଳାଙ୍କ ସ୍କ୍ରିନିଂ କରୁଛନ୍ତି ହସ୍ପିଟାଲ୍ । ହରିୟାଣା, ବିହାର ଓ ୟୁପି ମହିଳାମାନଙ୍କର ରେଜଲ୍ଟ ଅଧିକ । ଡିଲ୍ ଫାଇନାଲ୍ ହେବାର ୧୫ ମାସ ପରେ ନବଜାତକ ପହଞ୍ଚୁଛି ଘରେ । ଡେଲିଭରୀ ପରେ ମା’ ଓ ଶିଶୁକୁ ଅଲଗା କରାଯାଉଛି । ପିଲଙ୍କୁ ଘରେ ପହଞ୍ଚାଇବା ଦାୟିତ୍ବ ନେଉଛନ୍ତି ହସ୍ପିଟାଲ୍ ଏବଂ ଏଜେଣ୍ଟ ।
୧୦ ବର୍ଷ ପୂର୍ବରୁ ଭାରତରେ ଜୋରଦାର ଚାଲିଥିଲା ଏଭଳି ଭଡ଼ା ଗର୍ଭ ଧାରଣ । ଝାଡ଼ଖଣ୍ଡରୁ ଏକ ସରୋଗେସି ରାକେଟକୁ ଧରିଥିଲା ପୋଲିସ । ପ୍ରାୟ ୧୩ରୁ ୧୪ ବର୍ଷ ବୟସର ନାବାଳିବାଙ୍କୁ ସରୋଗେଟ୍ ବନା ଯାଇଥିଲା । ଜଣେ ଝିଅଙ୍କ ଠାରେ ୬ଥର ଭଡ଼ା ଗର୍ଭ ରଖାଯାଇଥିଲା । ଆଦିବାସୀ ନାବାଳିକାଙ୍କୁ କେୟାର ଟେକର ଭାବେ କାମ କରାଇବାକୁ ଆଣି ଏହି ସରୋଗେଟ୍ କରାଯାଉଥିବା ଅଭିଯୋଗ ହୋଇଥିଲା ... ଏହା ଉପରେ ଆକ୍ସନ୍ ମଧ୍ୟ ହୋଇଛି। ହେଲେ ରାଜଧାନୀ ଦିଲ୍ଲୀରେ ପୁଣି ଆରମ୍ଭ ହେଲାଣି ସରୋଗେସି ମଦର୍ ଯୋଗାଣ...