ନୂଆଦିଲ୍ଲୀ: ଚୀନରେ ପୁଣି ଏକ ଭାଇରସ୍। ମୃତ୍ୟୁର ପୁଣି ବିଭିଷୀକା। ଭୟ ଆଉ ଆତଙ୍କ ଆହୁରି ବେଶି। ଏଥିପାଇଁ ଯେ, ସେ ଭାଇରସ୍ ଭାରତରେବି ପଶି ଆସିଲାଣି।  ଦୁଇଟି କୁନି ଛୁଆଙ୍କ ଦେହରେ ସେହି ଭୂତାଣୁ। କର୍ଣ୍ଣାଟକ, ଗୁଜୁରାଟ, ପଶ୍ଚିମବଙ୍ଗରେ ଏବଂ ତାମିଲନାଡୁରେ ଏହି ଭାଇରସ୍ ଚିହ୍ନଟ ହୋଇଛି। 

ପ୍ରଥମେ କରୋନା ବା କୋଭିଡ୍ ଆଉ ଏବେ ଏଚଏମଭିପି। ଚୀନ୍ କଣ ଭାଇରସଙ୍କ ଘର? ଚୀନ୍ ରେ କଣ କେବଳ ଜନ୍ମ ନିଅନ୍ତି ମଣିଷ ମରା ଭୂତାଣୁ? କମ୍ୟୁନିଷ୍ଟ ଚୀନ୍ ସୁପର ପାୱାର ହେବାକୁ ବ୍ୟସ୍ତ ଆଉ ଭାଇରସ୍ ଛାଡ଼ିବାରେ ବି । ତେବେ ଚୀନ୍ ରେ ଏହି ଭାଇରସ୍ କାହାଣୀ ଏବେର ନୁହେଁ ବହୁତ ପୁରଣା, ୧୫୦୦ ବର୍ଷର କାହାଣୀ। 

ଚାଇନାରେ ପୁଣି ଥରେ ଫେରିଛି ଭାଇରସ୍।  ଯାହାର ନାଁ HMPV। ଏହି ଭୂତାଣୁ ଚିହ୍ନଟ ପରେ ସାରା ବିଶ୍ୱରେ ହଇଚଇ। ଚାଇନା ପରେ ଏବେ ଭାରତରେ ଏହି ରୋଗର ଆତଙ୍କ। ଚୀନରେ ବ୍ୟାପିଥିବା ଏଚଏମପିଭି ଭାଇରସ ଭାରତରେ ପ୍ରବେଶ କରିବା ପରେ ପୁଣି ଚିନ୍ତା ଘାରିଛି। ଭାରତରେ ବିଭିନ୍ନ ସ୍ଥାନରେ ଚିହ୍ନଟ ହେଲାଣି ଏହି ଭାଇରସ୍। 

ପ୍ରାୟ ୫ ବର୍ଷ ପୂର୍ବେ ଉହାନରୁ ଆରମ୍ଭ ହୋଇଥିବା କରୋନା ଜୀବାଣୁ ସମଗ୍ର ବିଶ୍ୱକୁ ଆତଙ୍କିତ କରିଥିଲା। ସୃଷ୍ଚି କରିଥିଲା  'ତାଲା' ବନ୍ଦ୍ ପରିସ୍ଥିତି। ଏହି ବିସ୍ଫୋରଣ ଯୋଗୁଁ ପ୍ରାୟ ପ୍ରାଣ ହରାଇଥିଲେ ୭୧ ଲକ୍ଷ ଲୋକ । ଏଭଳି ପରିସ୍ଥିତିରେ ଏବେ ପ୍ରଶ୍ନ ଉଠିଛି ଯେ କେବଳ ଚାଇନାରୁ ବିପଜ୍ଜନକ ଜୀବାଣୁ କାହିଁକି ବ୍ୟାପିଥାଏ। ଏହା ପଛର କାରଣଗୁଡ଼ିକ କ’ଣ? ଚୀନ୍ ଠାରୁ ଏପର୍ଯ୍ୟନ୍ତ କେତେ ବିପଜ୍ଜନକ ଭାଇରସ୍ ବ୍ୟାପିଛି ।

ଏଥିରେ କୌଣସି ସନ୍ଦେହ ନାହିଁ ଯେ ଚାଇନା ବିପଜ୍ଜନକ ଜୀବାଣୁ ବିସ୍ତାର କରିବାରେ ରହିଛି ଆଗରେ। ଯଦିଓ ଚାଇନାରୁ ବ୍ୟାପିଥିବା ସବୁଠାରୁ ବିପଜ୍ଜନକ ରୋଗ ହେଉଛି କରୋନା ।  କିନ୍ତୁ ରିପୋର୍ଟ କହୁଛି ଭିନ୍ନ । ଚୀନ୍‌ରୁ ଉତ୍ପନ୍ନ ସବୁଠାରୁ ଭୟଙ୍କର ମହାମାରୀ ହେଉଛି ବ୍ଲାକ୍ ଡେଥ୍ ଯାହା ୧୩୪୬ରୁ ୧୩୫୩ ମଧ୍ୟରେ ଆଫ୍ରିକା, ଏସିଆ ଏବଂ ୟୁରୋପରେ କ୍ଷତି ପହଞ୍ଚାଇଥିଲା। ଅନୁମାନ କରାଯାଉଛି ଯେ ୭୫ ରୁ ୨୦୦ ନିୟୁତ ଲୋକ ଏଥିରେ ପ୍ରାଣ ହରାଇଛନ୍ତି। ଷଷ୍ଠ, ଚତୁର୍ଦ୍ଦଶ ଏବଂ ଉନବିଂଶ ଶତାବ୍ଦୀରେ ପୃଥିବୀକୁ ବିନାଶ କରିଥିବା ମହାମାରୀର ମୁଖ୍ୟ ତରଙ୍ଗ ଚାଇନାରୁ ଉତ୍ପନ୍ନ ହୋଇଥିଲା। ଯଦି ଆମେ ଗତ ୧୦୦ ବର୍ଷ ବିଷୟରେ ଆଲୋଚନା କରିବା, ୧୯୧୮, ୧୯୫୭, ୨୦୦୨ ଏବଂ ୨୦୧୯ରେ ଚାଇନାରୁ ମହାମାରୀ ବ୍ୟାପିଥିଲା।

୧୯୫୭ ମହାମାରୀର କାହାଣୀ ...

୧୯୫୭-୧୯୫୭ ମଧ୍ୟରେ ଦୁନିଆରେ ଏକ ମହାମାରୀର ଧ୍ୱଂସଲୀଳା ଦଖିବାକୁ ମିଳିଥିଲା । ଏହି ମହାମାରୀର ନାମ ହେଲା 'ଏସୀୟନ୍ ଫ୍ଲୁ'। କାରଣ ଏହା ଚାଇନାରୁ ସମଗ୍ର ବିଶ୍ୱକୁ ବ୍ୟାପିଥିଲା । ଏହି ମହାମାରୀର ବିସ୍ତାରକୁ ଆକଳନ କଲେ,  ମାତ୍ର ୨ ବର୍ଷ ମଧ୍ୟରେ ଏହି ଫ୍ଲୁ ସାରା ବିଶ୍ୱରେ ପ୍ରାୟ ୨୦ ଲକ୍ଷ ଲୋକ ମୃତ୍ୟୁ ବରଣ କରିଛନ୍ତି।

ଏହା ପୂର୍ବରୁ ୧୯୧୮ରେ ବିପର୍ଯ୍ୟୟ ଘଟିଥିଲା -

୧୯୧୮ ମସିହାରେ 'ସ୍ପାନିସ୍ ଫ୍ଲୁ' ନାମକ ଏକ ମହାମାରୀ ବ୍ୟାପିଥିଲା। ତେବେ ଏହି ମହାମାରୀ ଏପରି ଏକ ସମୟରେ ଆସିଥିଲା ଯେତେବେଳେ ବିଶ୍ୱରେ ପ୍ରଥମ ବିଶ୍ୱଯୁଦ୍ଧକୁ ନେଇ ଚର୍ଚ୍ଚା ହୋଇଥିଲା। ଏଭଳି ପରିସ୍ଥିତିରେ, ସମସ୍ତ ସେନ୍ସର ହେତୁ ଏହି ମହାମାରୀ କିପରି ବିଶ୍ୱରେ ବ୍ୟାପିଗଲା ତାହା ସ୍ପଷ୍ଟ ହୋଇନାହିଁ। କିନ୍ତୁ ଅନେକ ରିପୋର୍ଟରେ ଏହା ଚାଇନାରୁ ଉତ୍ପନ୍ନ ହୋଇଥିବା ଦାବି କରାଯାଇଛି। ୧୯୧୮ର ମହାମାରୀକୁ ଶତାବ୍ଦୀର ଘାତକ ମହାମାରୀ ଭାବରେ ବର୍ଣ୍ଣନା କରାଯାଇଛି। ଏହି ମହାମାରୀ ହେତୁ ବିଶ୍ୱରେ ୨୦ ନିୟୁତରୁ ୫୦ ନିୟୁତ ଲୋକଙ୍କର ମୃତ୍ୟୁ ଘଟିଛି। ତଥାପି, କିଛି ରିପୋର୍ଟ ଏହି ସଂଖ୍ୟାକୁ ୧୦୦ ନିୟୁତ ପାଖାପାଖି ରଖିଛି। ଆମେରିକାର ରୋଗ ନିୟନ୍ତ୍ରଣ ଏବଂ ନିରାକରଣ କେନ୍ଦ୍ର (ସିଡିସି) ଅନୁଯାୟୀ, ପ୍ରାୟ ୫୦୦ ନିୟୁତ ଲୋକ, ଅର୍ଥାତ୍ ସେହି ସମୟରେ ବିଶ୍ୱର ପ୍ରାୟ ୩୦% ଲୋକ ଏହି ମହାମାରୀରେ କବଜାରେ ଆସିଥିଲେ । ସେହିଭଳି, ୨୦୦୨ରେ ବ୍ୟାପିଥିବା SARS ମହାମାରୀ ମଧ୍ୟ ବିନାଶ ଘଟାଇଥିଲା ଏବଂ ଏହା ମଧ୍ୟ  ଚୀନରୁ  ବ୍ୟାପିଥିଲା।  ତେବେ କେବଳ ଚାଇନାରୁ ଏହି ଜୀବାଣୁ କାହିଁକି ବ୍ୟାପିଥାଏ? ବିଶ୍ୱରେ ଅନେକ ରିପୋର୍ଟ ଦାବି କରିଛି ଯେ ଚାଇନାରୁ ଏହି ଭୂତାଣୁ ବ୍ୟାପିବା ପଛର କାରଣ ହେଉଛି ଏହାର ଅଧିକ ଜନସଂଖ୍ୟା। ଯେଉଁମାନେ ପଶୁପକ୍ଷୀଙ୍କ ସଂପର୍କରେ ଆସିଥାନ୍ତି। ଯେଉଁଠି ସ୍ୱଚ୍ଛାତାକୁ ନେଇ ଅନେକ ସମସ୍ୟା ରହିଛି । 

ରିପୋର୍ଟରେ ଦର୍ଶାଯାଇଛି ଯେ ଚୀନର ସାଂସ୍କୃତିକ କାରଣ  ମଧ୍ୟ ସେଠାରେ ଜୀବାଣୁ ବିସ୍ତାର ପାଇଁ ଦାୟୀ। ବାସ୍ତବରେ, ଚାଇନାରେ ତାଜା ମାଂସର ବ୍ୟବହାର ବହୁତ ଅଧିକ । ଏଠାରେ ଖୋଲା ସ୍ଥାନରେ ମାଂସ କାଟିବା ସାଧାରଣ କଥା, ଯେଉଁ କାରଣରୁ ଭାଇରସ୍ ସ୍ପ୍ରେଡ୍ ହେବାର ଆଶଙ୍କା ରହିଥାଏ । ଏଥି ସହିତ, ଚାଇନାର ଲୋକମାନଙ୍କର ଆଉ ଏକ ସାଧାରଣ ଅଭ୍ୟାସ ଅଛି ।  ଏଠାରେ, ଯେତେବେଳେ ଜଣେ ବ୍ୟକ୍ତି ଅସୁସ୍ଥ ହୁଅନ୍ତି, ଅଧିକାଂଶ ଲୋକ ପ୍ରଥମେ ପାରମ୍ପାରିକ ଚାଇନିଜ୍ ମେଡିସିନ୍ (ଟିସିଏମ୍) ନିଅନ୍ତି ।  କିଛି ଲୋକ ତ ଆକ୍ୟୁପଂଚର୍ ବା ଅପ୍ରଭାବୀ ହର୍ବାଲ୍ ତଥା ଚିକିତ୍ସା ନାମରେ ପଶୁଙ୍କ ସହ ଜଡ଼ିତ  ଉପଚାର ଖୋଜନ୍ତି।  ଏହି କାରଣରୁ, ଅଧିକ ପ୍ରାଣୀଙ୍କର ମୃତ୍ୟୁ ହୁଏ ଏବଂ ଲୋକଙ୍କ ମଧ୍ୟରେ ଜୀବାଣୁ ବିସ୍ତାର ହେବାର ଆଶଙ୍କା ମଧ୍ୟ ବଢିଯାଏ । କେତେକ ବିଶେଷଜ୍ଞ ଦାବି କରିଛନ୍ତି ଯେ ବହୁ ସଂଖ୍ୟାରେ ଜନସଂଖ୍ୟା ଗ୍ରାମରୁ ଏସିଆ ଏବଂ ଆଫ୍ରିକାର ସହରକୁ ସ୍ଥାନାନ୍ତରିତ ହେତୁ ଏହି ଜୀବାଣୁ ବିସ୍ତାର ହୁଏ। ସମଗ୍ର ଏସିଆ ଏବଂ ପ୍ରଶାନ୍ତ ମହାସାଗରରେ ଦ୍ରୁତ ସହରୀକରଣ ଘଟୁଛି, ଯେଉଁଠାରେ ବିଶ୍ୱର ୬୦% ଲୋକେ ପୂର୍ବରୁ ହିଁ ବାସ କରୁଛନ୍ତି । ରିପୋର୍ଟ ଅନୁଯାୟୀ, ଏକବିଂଶ ଶତାବ୍ଦୀର ପ୍ରଥମ ଦଶନ୍ଧିରେ ପୂର୍ବ ଏସିଆର ପ୍ରାୟ ୨୦୦ ନିୟୁତ ଲୋକ ସହରାଞ୍ଚଳକୁ ସ୍ଥାନାନ୍ତର ହୋଇଥିଲେ। ଲୋକମାନେ ଏତେ ପରିମାଣରେ ଏକ ସ୍ଥାନରୁ ଅନ୍ୟ ସ୍ଥାନକୁ ସ୍ଥାନାନ୍ତରିତ ହେତୁ ଜଙ୍ଗଲ ନଷ୍ଟ ହୋଇଥିଲା। ଏହି କାରଣରୁ ପରିବେଶ ସମ୍ପୂର୍ଣ୍ଣ ରୂପେ ବଦଳିଗଲା । 

ଏବେ ଭୟଭୀତ କରାଇଲାଣି ଚାଇନାରେ ବ୍ୟାପିଥିବା ଜୀବାଣୁ HMPV । ଏହାର ଲକ୍ଷଣ ସାଧାରଣ ଥଣ୍ଡା ଓ ଜ୍ୱର ହେବା। ସାଧାରଣ କ୍ଷେତ୍ରରେ ଏହା କାଶ, ନାକ ଜାମ୍ ହେବା କିମ୍ବା ଗଳାରେ ଯନ୍ତ୍ରଣା ହେବା।  ଛୋଟ ପିଲା ଏବଂ ବୃଦ୍ଧମାନଙ୍କରେ HMPV ସଂକ୍ରମଣରେ ଅଦିକ ଗୁରୁତର ହେବାର ଆଶଙ୍କା ରହିଛି । ତେଣୁ ମାସ୍କ ପିନ୍ଧନ୍ତୁ, ସାନିଟାଇଜର ବ୍ୟବହାର କରି ସୁସ୍ଥ ରୁହନ୍ତୁ।