ଭୁବନେଶ୍ୱର ୧୭/୦୬: ରାଜ୍ୟରେ ସ୍କୁଲ ଛୁଟି ବଢାଇବା ନେଇ ମୁଖ୍ୟ ଶାସନ ସଚିବ ପ୍ରଦୀପ ଜେନା ପ୍ରତିକ୍ରିୟା ରଖିଛନ୍ତି । ସିଏସ୍ କହିଛନ୍ତି ପାଣିପାଗ ବିଭାଗର ରିପୋର୍ଟକୁ ଦେଖି ସ୍କୁଲ ଛୁଟି ସମ୍ପର୍କରେ ନିଷ୍ପତ୍ତି ନେବେ ସରକାର । ଅପରାହ୍ନରେ ବିଭାଗୀୟ ମନ୍ତ୍ରୀ ଏବଂ ସଚିବ ସ୍କୁଲ ଛୁଟି ନେଇ ନିଷ୍ପତ୍ତି ନେବେ । ବୈଠକ କରି ସମୀକ୍ଷା କରିବା ପରେ ସ୍କୁଲ ଛୁଟି ନେଇ ନିଷ୍ପତ୍ତି ନିଆଯିବ ।
ସୂଚନା ଥାଉକି, ସୋମବାର ସରୁଛି ରାଜ୍ୟରେ ଖରା ଛୁଟି । ମଙ୍ଗଳବାରଠୁ ସ୍କୁଲ୍ ଖୋଲିବାର ଅଛି । ସେଥିପାଇଁ ଆଜି ରାଜ୍ୟର ଅନେକ ସ୍କୁଲରେ ଶିକ୍ଷକ ଓ ଶିକ୍ଷୟିତ୍ରୀଙ୍କୁ ସ୍କୁଲ ତଦାରଖ ଦାୟିତ୍ୱ ଦିଆଯାଇଥିଲା । ପରିଷ୍କାର ଓ ପରିଚ୍ଛନ୍ନତାକୁ ତନଖି ଦେଖୁଥିଲେ ଶିକ୍ଷକ ଓ ଶିକ୍ଷୟିତ୍ରୀ ।
ତେବେ ରାଜ୍ୟରେ ଜାରି ରହିଛି ଅସହ୍ୟ ଖରା ଗରମ । ଗୁଳୁଗୁଳିରେ ଅସ୍ୟବ୍ୟସ୍ତ ଲୋକ । ଏହାକୁ ଦେଖି ଓଷ୍ଟା ଶିକ୍ଷକ ସଂଘ ସ୍କୁଲ ଛୁଟି ଅବଧି ବଢାଇବାକୁ ସରକାରଙ୍କୁ ଅନୁରୋଧ କରିଥିଲେ । ହେଲେ ସରକାର ଏନେଇ ନିଷ୍ପତ୍ତି ନେବେ ବୋଲି ଜଣାପଡିଛି ।