ଆନନ୍ଦପୁର ୨୬।୦୬ : ଆନନ୍ଦପୁର ବିଧାୟକ ଅଭିମନ୍ୟୁ ସେଠୀ ବିଧାୟକ ହେବା ପରେ ଆଜି ପ୍ରଥମ ଥର ପାଇଁ ଆନନ୍ଦପୁର ଉପଖଣ୍ଡ ମୁଖ୍ୟ ଚିକିତ୍ସାଳୟ ପରିଦର୍ଶନ କରିଛନ୍ତି । ଏହି ସମୟରେ ରୋଗୀ ସେବା କିପରି ଚାଲିଛି । ସେ ସଂପର୍କରେ ଚିକିତ୍ସାରତ ରୋଗୀଙ୍କ ସହ ସିଧାସଳଖ କଥା ହୋଇଥିଲେ । ରୋଗୀଙ୍କ ପାଇଁ ଡାକ୍ତରଖାନା ତରଫରୁ ଦିଆଯାଇଥିବା ଖାଦ୍ୟ ସଂପର୍କରେ ମଧ୍ୟ ପଚାରି ବୁଝିଥିଲେ । ଏପିରିକି ସରକାରଙ୍କ ଦ୍ୱାରା ଯୋଗା ଯାଉଥିବା ମାଗଣା ଔଷଧ ଠିକ୍ ଭାବେ ମିଳୁଛି କି ନାହିଁ । ତାର ମଧ୍ୟ ତଦାରଖ ମଧ୍ୟ କରିଛନ୍ତି ।
ଗୋଟିଏ ପଟେ ଡାକ୍ତରଖାନାରେ ଦିନକୁ ଦିନ ରୋଗୀ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଅନ୍ୟପଟେ ଏଠାରେ ୧୪ କୋଟି ଟଙ୍କା ବ୍ୟୟରେ ନିର୍ମାଣାଧିନ ଡାକ୍ତରଖାନାର ନୂଆ କୋଠର କାମ କିପରି ଚାଲିଛି । ସେନେଇ ଜିଲ୍ଲାପାଳଙ୍କ ସହ ଆଲୋଚନା କରିବେ ବୋଲି କହିଛନ୍ତି ବିଧାୟକ ଅଭିମନ୍ୟୁ ସେଠୀ । ଏଥିସହ ଆନନ୍ଦପୁରରେ ଲାଗି ରହିଥିବା ଡାକ୍ତର ସମସ୍ୟା ନେଇ ଆବଶ୍ୟକ ପଡିଲେ ବିଧାନସଭାରେ ପ୍ରଶ୍ନ କରିବେ ବୋଲି କହିଛନ୍ତି ଆନନ୍ଦପୁର ବିଧାୟକ ।
