ରାୟଗଡା ୨୬।୬: ପୋଷ୍ୟ ସନ୍ତାନ ଗ୍ରହଣ କଲେ ଦମ୍ପତ୍ତି । ରାୟଗଡା ଜିଲ୍ଲାପାଳ ମନୋଜ ସତ୍ୟବାନ ମହାଜନ ନିଜେ ଉପସ୍ଥିତି ରହି କଟକରୁ ଆସିଥିବା ଦମ୍ପତିଙ୍କୁ ପୋଷ୍ୟ କନ୍ୟା ସନ୍ତାନ ପ୍ରଦାନ କରିଛନ୍ତି । ଏହି ଦମ୍ପତି ପୋଷ୍ୟ ସନ୍ତାନ ଗ୍ରହଣ ପରେ ଖୁସିରେ ବିଭୋର ହୋଇଥିବା ଦେଖିବାକୁ ମିଳିଛି ।
ସୂଚନାଯୋଗ୍ୟ ଯେ, ଏହି ଦମ୍ପତିଙ୍କ ପାଖରେ ସବୁ କିଛି ଅଛି କିନ୍ତୁ ସନ୍ତାନଟିଏ ନଥିବାରୁ ସବୁବେଳେ ଚିନ୍ତାରେ ରହୁଥିଲେ । ସେ କେନ୍ଦ୍ର ସରକାରଙ୍କ କେନ୍ଦ୍ରୀୟ ପୋଷ୍ୟ ସନ୍ତାନ ଅନୁସନ୍ଧାନ ପ୍ରାଧିକରଣ କର୍ତ୍ତୃପକ୍ଷଙ୍କ ନିକଟରେ ଅନଲାଇନ୍ ମାଧ୍ୟମରେ ଆବେଦନ କରିଥିଲେ । ବହୁ ବର୍ଷ ଅପେକ୍ଷା କରିବା ପରେ ଆଜି ତାଙ୍କ ଆଶା ପୂରଣ ହୋଇଛି । ପ୍ରାୟ ୪ ମାସ ଧରି ସରକାରଙ୍କ ଏସଏଏ ସଂସ୍ଥା ରାୟଗଡା ଦ୍ଵାରା ଲାଳନ ପାଳନ ହେଉଥିବା ତଥା ଗୁଡ଼ାରୀ ମେଡିକାଲରୁ ଉଦ୍ଧାର ହୋଇଥିବା ୬ ମାସର ଏକ କନ୍ୟା ସନ୍ତାନଙ୍କୁ ପାଇବାର ସୌଭାଗ୍ୟ ଅର୍ଜନ କରିଛନ୍ତି କଟକରୁ ଆସିଥିବା ଏହି ଦମ୍ପତି । କନ୍ୟା ସନ୍ତାନକୁ ଜିଲ୍ଲାପାଳଙ୍କ ଠାରୁ ଗ୍ରହଣ କରି ବେଶ ଆତ୍ମହରା ହୋଇଛନ୍ତି ଏହି ଦମ୍ପତ୍ତି । ଜିଲ୍ଲାପାଳ ଶ୍ରୀ ମହାଜନ ପୋଷ୍ୟ ଭାବେ ଗ୍ରହଣ କରିଥିବା କନ୍ୟା ସନ୍ତାନକୁ ହସ୍ତାନ୍ତର ସମୟରେ ଜିଲ୍ଲା ଶିଶୁ ସୁରକ୍ଷା ଅଧିକାରୀ ବିଚିତ୍ରା ସେଠୀ, ପ୍ରତାପ କୁମାର ଦାସ , ଅନୁଷ୍ଠାନିକ ସୁରକ୍ଷା ଅଧିକାରୀ ଉପସ୍ଥିତ ଥିଲେ ।
You Can Read :
ଭିଡିଓ ଜର୍ଣ୍ଣାଲିଷ୍ଟ ଶେଖ୍ ହନିଫ୍ ଅଲିଙ୍କ ପରଲୋକ, ଢେଙ୍କାନାଳରେ ଥିଲେ କାର୍ଯ୍ୟରତ