ରାୟଗଡା ୨୫/୮: କାନ୍ଥ ପଡି ନାବାଳିକାର ମୃତ୍ୟୁ । ଅଳ୍ପକେ ବର୍ତ୍ତିଗଲେ ପରିବାରର ୪ ସଦସ୍ୟ । କଲ୍ୟାଣସିଂହପୁର ବ୍ଲକ ଧାମୁଣିପୋଙ୍ଗା ଗ୍ରାମ ପଞ୍ଚାୟତ କୁଲୁମୁହିଁ ଗାଁରେ ଅଘଟଣ । ଗାଁର ୱାଡାକା ବୁର୍ଜା,ପତ୍ନୀ ଓ ୩ ପିଲାଙ୍କ ସହ ରାତିରେ ଶୋଇଥିଲେ । ବର୍ଷା ପାଣିରେ ଭିଜି ଯାଇଥିବା କାନ୍ଥ ହଠାତ ଭୁଶୁଡିପଡିଥିଲା । ଆଉ କାନ୍ଥ ତଳେ ଚାପି ହୋଇ ଯାଇଥିଲେ ୧୨ ବର୍ଷର ଝିଅ । ପରିବାରର ଅନ୍ୟ ୪ ଜଣଙ୍କୁ ଗୁରୁତର ଅବସ୍ଥାରେ କଲ୍ୟାଣସିଂହପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରୁ ପୁଣି ସମସ୍ତଙ୍କୁ ଜିଲ୍ଲା ମୁଖ୍ୟଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
