ପାଟଣାଗଡ ୭/୧: କଣ୍ଟାବାଞ୍ଜିରେ ବନବିଭାଗର ବଡ ଧରଣର ରେଡ୍‌ । କୋଟିଏ ଟଙ୍କାର ଖଇର କାଠ ଜବତ । ଖସିଗଲେ କାଠ ମାଫିଆ । ମଙ୍ଗଳବାର ସକାଳୁ ସକାଳୁ ବଲାଙ୍ଗୀର DFOଙ୍କ ନିର୍ଦ୍ଦେଶରେ କଣ୍ଟାବାଞ୍ଜିର ୨ଟି କାନୁଟ ଗାଁର ଗୋଟିଏ ଗାଁରେ ରେଡ୍‌ କରିଥିଲା ବନ ବିଭାଗ । ଟ୍ରାକ୍ଟରରେ ଏତେ ପରିମାଣିର ଖଇର କାଠ ଦେଖି ତାଜୁବ ହୋଇଯାଇଥିଲା ବନ ବିଭାଗ । 

ଜବତ କାଠର ଆନୁମାନିକ ମୂଲ୍ୟ ପ୍ରାୟ କୋଟିଏ ଟଙ୍କା ହେବ ବୋଲି ଅନୁମାନ କରାଯାଉଛି । ଚଢାଉରେ ବଲାଙ୍ଗୀର ଜିଲ୍ଲା ୧୧ଟି ରେଞ୍ଜର ଅଧିକାରୀ ଓ କର୍ମଚାରୀ ସାମିଲ ଥିଲେ । ଗୋଟିଏ ଟ୍ରାକ୍ଟର ଜବତ କରାଯାଇଥିବାବେଳେ ଏବେବି ଚଢାଉ ଜାରି ରହିଛି । କୌଣସି କାଠ ମାଫିଆଙ୍କୁ ଗିରଫ କରାଯାଇନଥିବା କହିଛନ୍ତି ACF ଇନଚାର୍ଜ ରେଞ୍ଜ ଅଫିସର ଅରବିନ୍ଦ ନାଏକ । 

ଅନେକ ଦିନରୁ କଣ୍ଟାବାଞ୍ଜିର ଅନେକ ସ୍ଥାର ଚୋରା କାଠ ଚାଲାଣ ହେଉଥିବା ନେଇ ଅଭିଯୋଗ ହୋଇଆସୁଛି । ମଙ୍ଗଳବାର କୌଣସି ସୂତ୍ରରୁ ଖବର ଅଚାନକ ରେଡ୍‌ କରିଥିଲା ବନବିଭାଗ । ବିପୁଳ ପରିମାଣର କାଠ ମିଳିଥିଲେ ମଧ୍ୟ କାଠ ମାଫିଆଙ୍କ ପତ୍ତା ମିଳିନି ।