କେନ୍ଦୁଝର ୦୧/୧୧: କେନ୍ଦୁଝର ସଦର ରେଞ୍ଜକୁ ଧସେଇ ପଶିଛନ୍ତି ୨୮ ଟିକିଆ ଝାଡଖଣ୍ଡୀ ହାତୀପଲ । ଦିନ ରାତି ବିଲରେ ଡେରା ପକାଇଛନ୍ତି । ଧାନ ଫସଲ ଯେତିକି ଖାଉଛନ୍ତି ନଷ୍ଟ କରୁଛନ୍ତି ଅଧିକ । ଗାଁ ଲୋକ ଦଳବଳ ହୋଇ ହାତୀ ପଲଙ୍କୁ ଘଉଡାଇବାକୁ ଯାଇ ନାକେଦମ ହେଲେଣି ହେଲେ ହାତପଲ ଗାଁ ଛାଡି ଯିବାକୁ ନାରାଜ ।
ହାତୀପଲଙ୍କ ମୁହଁରୁ କେମିତି ବର୍ଷକର ଫସଲ ରକ୍ଷା କରିବେ ସେହି ଚିନ୍ତାରେ ଗାଁ ଲୋକ । ସେପଟେ ହାତୀପଲଙ୍କୁ ଘଉଡାଇବାକୁ ଚେଷ୍ଟା ଚଲାଇଛି ବନବିଭାଗ । ହାତୀପଲଙ୍କ ଗତିବିଧି ଉପରେ କଡା ନଜର ରଖିଛି ବନବିଭାଗ । ଫସଲ ନଷ୍ଟ ହେଲେ ପ୍ରଶାସନ ପକ୍ଷରୁ ସହାୟତା ରାଶି ମିଳିବ । ସେଥିପାଇଁ ହାତୀ ପାଖକୁ ଯାଇ ଜୀବନ ବିପଦରେ ନପକାଇବାକୁ ଅନୁରୋଧ କରିଛି ବନବିଭାଗ ।
