ନିଆଳି୦୧/୨୫: ନୂଆବର୍ଷ ସକାଳୁ ସକାଳୁ ଦୁଃଖଦ ଘଟଣା । ସର୍ବସ୍ବାନ୍ତ କରିଦେଇଛି ନିଆଁ । ନିଆଁକୁ ଆୟତ୍ତ କରିଛି ଅଗ୍ନିଶମ ବାହିନୀ । କେହି ଦୁର୍ବୃତ୍ତ କାଣ୍ଡ କରିଥିବା ସନ୍ଦେହ । ବୁଧବାର କଟକ ନିଆଳି ମାଧବ ପ୍ରଧାନ ସାହିରେ ହଠାତ ଲାଗିଯାଇଥିଲା ନିଆଁ । ଚାହୁଁ ଚାହୁଁ ହୁ ହୁ ଜଳିଗଲା ୧୦ ବଖରା । ସାହିର ସୋମନାଥ ସାହୁ, ଚଇତନ ସାହୁ,କେଳୁସାହୁ, ପଦ୍ମଚରଣ ସାହୁ, କୈବଲ୍ୟ ସାହୁ ଓ ଭଗବାନ ସାହୁଙ୍କର ଧାନ ଚାଉଳ ସମେତ ଘର ଓ ଆସବାବପତ୍ର ଜଳିପୋଡି ପାଉଁଶ ହୋଇଯାଇଛି ।
ଆନୁମାନିକ ପ୍ରାୟ ୧୦ ଲକ୍ଷ ଟଙ୍କାର ସଂପତ୍ତି ପୋଡି ପାଉଁଶ ହୋଇଯାଇଛି । ଖବର ପାଇ ଅଗ୍ନିଶମବାହିନୀ ନିଆଁକୁ ଆୟତ୍ତ କରିଥିଲେ । କେମିତି ନିଆଁ ଲାଗିଲା କାରଣ ଜଣାପଡୁନି । ତେବେ କେହି ଜାଣିଶୁଣି ଏମିତି କରିଥିବା ସନ୍ଦେହ କରାଯାଉଛି । ଘଟଣାର ତଦନ୍ତ କରୁଛି ପୋଲିସ ।
