ଭୁବନେଶ୍ୱର ୦୨।୦୧ : ବ୍ରାଣ୍ଡ ଅସଲି, ସିମେଣ୍ଟ ନକଲି । ରାଜଧାନୀରୁ ନକଲି ସିମେଣ୍ଟ ଫ୍ୟାକ୍ଟ୍ରି ଠାବ । ଟଙ୍କପାଣି ରୋଡ ନିକଟରୁ ନକଲି ସିମେଣ୍ଟ ଫ୍ୟାକ୍ଟ୍ରିକୁ ଠାବ କରିଛି ବଡ଼ଗଡ଼ ଥାନା ପୋଲିସ ।
ଖବର ଅନୁଯାୟୀ, ଟଙ୍କପାଣି ରୋଡରେ ଏକ ନକଲି ସିମେଣ୍ଟ ଫ୍ୟାକ୍ଟ୍ରି ଥିବା ନେଇ ପୋଲିସକୁ ସୂଚନା ମିଳିଥିଲା । ଏହିଠାରୁ ହିଁ ଅସଲି ବ୍ରାଣ୍ଡରେ ନକଲି ସିମେଣ୍ଟ ଭର୍ତ୍ତି କରି ବିକ୍ରି କରାଯାଉଥିବା ସୂଚନା ମିଳିଥିଲା । ଏହାପରେ ଆକ୍ସନକୁ ଆସିଥିଲା ସ୍ଥାନୀୟ ବଡ଼ଗଡ଼ ଥାନା ପୋଲିସ । ତୁରନ୍ତ ଉକ୍ତ ସ୍ଥାନରେ ଚଢାଉ କରିଥିଲା । ସେଠାରେ ସିମେଣ୍ଟ ସହ ପାଉଁଶ ମିଶାଇ ଲୋକଙ୍କୁ ବିକ୍ରି କରାଯାଉଥିବାର ଦେଖିଥିବା ସୂଚନା ପାଇଛି ପୋଲିସ । ଏକ ପୁରୁଖା ବ୍ରାଣ୍ଡର ନାଁରେ ଓଡିଶା ମାର୍କେଟରେ ଚାଲିଥିଲା ସିମେଣ୍ଟ ବିକ୍ରି । ଯାହାର ଏବେ ପର୍ଦ୍ଦାଫାଶ ହୋଇଛି ।
