ଭୁବନେଶ୍ଵର: ଚଳିତ ଏପ୍ରିଲରେ ଲକ୍ଷେ ଛୁଇଁପାରେ ସୁନା ଦର । ଆଜି ୨୪ କ୍ୟାରେଟ୍ ସୁନା ୧୦ଗ୍ରାମ ପ୍ରତି ୯୩ହଜାର ଟପିଥିବା ବେଳେ ୨୨କ୍ୟାରେଟ୍ ସୁନା ୧୦ଗ୍ରାମ୍ ପ୍ରତି ୮୫ ହଜାର ୬ଶହ ଟଙ୍କାରେ ପହଞ୍ଚିଛି । ଆଗକୁ ବିବାହ ଋତୁ ଥିବା ବେଳେ ଗ୍ରାହକ, ବିଶେଷ ମଧ୍ୟବିତ୍ତଙ୍କ ମୁଣ୍ଡରେ ପଡ଼ିଛି ଚଡ଼କ । ଗତ ୩ମାସରେ ୨୪ କ୍ୟାରେଟ୍ ସୁନା ଦର ୧୧ହଜାର ଟଙ୍କା ବୃଦ୍ଧି ପାଇଥିବା ବେଳେ ୨୨ କ୍ୟାରେଟ୍ ସୁନା ୭ହଜାର ଟଙ୍କା ବଢ଼ିଲାଣି । ତେବେ କ’ଣ ପାଇଁ ଦ୍ରୁତ ଗତିରେ ବଢ଼ୁଛି ସୁନା ଦର ଚାଲନ୍ତୁ ଦେଖିବା ।
ଏପ୍ରିଲ ଶେଷ ସୁଦ୍ଧା ଲକ୍ଷେ ଛୁଇଁପାରେ ସୁନା ଦର । ୨୪ କ୍ୟାରେଟ୍ ସୁନା ୯୩ହଜାର ପାର୍ । ୮୫ ହଜାର ୬ଶହ ଛୁଇଁଲା ୨୨ କ୍ୟାରେଟ୍ ସୁନା । ଗତ ୩ମାସରେ ୨୪ କ୍ୟାରେଟ୍ ସୁନା ପାଖାପାଖି ୧୧ହଜାର ଟଙ୍କା ବଢ଼ିଥିବା ବେଳେ ୨୨ କ୍ୟାରେଟ୍ ସୁନା ୭ହଜାର ୬୦୦ ଟଙ୍କା ବଢ଼ିଲାଣି । ଗତ ଜାନୁଆରୀରେ ୨୨କ୍ୟାରେଟ ସୁନା ୭୬ହଜାର ଥିବା ବେଳେ ୨୪ କ୍ୟାରେଟ୍ ସୁନା ଦର ପାଖାପାଖି ୮୩ହଜାର ଥିଲା ।
ଲଗାତର ଭାବେ ପ୍ରତି ମାସରେ ସୁନା ଦର ବୃଦ୍ଧି ପାଇବାରେ ଲାଗିଛି । ଆଗକୁ ବିବାହ ଋତୁ ଆସୁଛି । ଏମିତିରେ ଝିଅ ବାହାଘର ପାଇଁ ଯୋଜନା କରିଥିବା ଗ୍ରାହକ, ବିଶେଷ କରି ମଧ୍ୟବିତ୍ତଙ୍କ ମୁଣ୍ଡରେ ପଡ଼ିଛି ଚଡ଼କ । ଅଧିକ ନହେଲେ ନାହିଁ ବାହାଘର ପାଇଁ ନିହାତି ଆବଶ୍ୟକ ଥିବା ସୁନା ହାର, କାନଫୁଲ, ସଙ୍ଖା କିଣିବାକୁ ଏବେ ସେମାନଙ୍କୁ ମୋଟା ଅଙ୍କର ଟଙ୍କା ଖର୍ଚ୍ଚ କରିବାକୁ ପଡ଼ିବ । ଏମିତିରେ ବଢ଼ୁଥିବା ସୁନା ଦର ଏବେ ସେମାନଙ୍କ ନିଜ ହଜାଇ ଦେଲାଣି ।
କୁହାଯାଉଛି ଏପ୍ରିଲ୍ ଶେଷ ସୁଦ୍ଧା ଲକ୍ଷେ ଛୁଇଁବ ସୁନା ଦର । ସୁନା ଦରରେ ଦ୍ରୁତ ବୃଦ୍ଧି ପାଇଁ ମୁଖ୍ୟତଃ ୪ଟି କାରଣକୁ ଦାୟୀ କରାଯାଉଛି । କାରଣ -୧ ଜିଓ ପଲିଟିକାଲ ଟେନ୍ସନ୍ । ଆମେରିକାରେ ଟ୍ରମ୍ପ ସରକାରଙ୍କ ଟାରିଫ୍କୁ ନେଇ ସାରା ବିଶ୍ବ ଚିନ୍ତିତ ଅଛି । ଏଥି ଯୋଗୁଁ ଦରଦାମ୍ ବୃଦ୍ଧି ଘଟିପାରେ । ଆର୍ଥିକ ମାନ୍ଦାବସ୍ଥା ଦେଖାଦେଇପାରେ । ଏଥି ସହ ବ୍ୟବସାୟ କ୍ଷେତ୍ରରେ ଏହାର ବଡ଼ ପ୍ରଭାବ ପଡ଼ିପାରେ । କାରଣ ୨ ଡଲାର ତୁଳନାରେ ଟଙ୍କା ଦୁର୍ବଳ ହେଉଥିବାରୁ ସୁନା ଦର ବୃଦ୍ଧିର ଏହା ଅନ୍ୟତମ କାରଣ ହୋଇପାରେ । କାରଣ ୩ ସେୟାର ବଜାରରେ ଅସ୍ଥିରତା ସୁନା ଦର ବୃଦ୍ଧିର କାରଣ ହୋଇପାରେ । କାରଣ ୪ ମୁଦ୍ରାସ୍ଫିତି ବୃଦ୍ଧି । ସବୁ ଜିନିଷ ମହଙ୍ଗା ହେଉଥିବାରୁ ସୁନା ଦର ବୃଦ୍ଧିରେ ଏହା ସହାୟକ ହେଉଛି ।
