ତେହରାନ: ବେରୁଟରେ ଇସ୍ରାଏଲର ଏୟାର ଷ୍ଟ୍ରାଇକରେ ହେଜବୁଲ୍ଲା ମୁଖ୍ୟ ହସନ ନସରଲ୍ଲା ସହ ଇରାନର ଜଣେ ବରିଷ୍ଠ ସୈନ୍ୟ ଅଧିକାରଙ୍କ ମୃତ୍ୟୁ ହୋଇଛି । ଇରାନ ମିଡିଆ ଶନିବାର ସୂଚନା ଦେଇ କହିଛି ଯେ ଇରାନ ରିଭୋଲ୍ୟୁସନରୀ ଗାର୍ଡ୍ସର ଡେପୁଟି କମାଣ୍ଡର ଅବ୍ବାସ ନିଲଫୋରୋସାନଙ୍କ ଇସ୍ରାଏଲ ଆକ୍ରମଣରେ ମୃତ୍ୟୁ ହୋଇଛି । ସେ ଲେବାନନରେ କୁଦ୍‌ସ ଫୋର୍ସର କମାଣ୍ଡର ବ୍ରିଗେଡିୟର ଜେନେରାଲ ଥିଲେ ।

ରିପୋର୍ଟ ଅନୁସାରେ ନିଲଫୋରୋସାନ ଆଇଆରଜିସିର ଅପରେସନ କମାଣ୍ଡର ନେତୃତ୍ୱ ନେଉଥିଲେ, ଏହି କମାଣ୍ଡ ସିଧାସଳଖ ବିଭିନ୍ନ ସୈନ୍ୟ ଏବଂ ସୁରକ୍ଷା ଅଭିଯାନରେ ସାମିଲ ରୁହେ । ବିଶେଷ କରି ସିରିଆରେ ସୈନ୍ୟ ଗତିବିଧିରେ ସାମିଲ ରହିଛି । 

Axios, citing Israeli officials and Iranian reports:

Brigadier General Abbas Nilforoushan, commander of the Quds Force in Lebanon, was killed in Beirut attack.

Nilforoushan was overseeing the IRGC's Operations Command, which is directly involved in various military and… pic.twitter.com/fbmFhz7Zmv

— Clash Report (@clashreport) September 28, 2024

ଲେବାନନରେ ଇସ୍ରାଏଲ ସେନାର ଆକ୍ରମଣ ଉପରେ ଇରାନ କଡ଼ା ପ୍ରତିକ୍ରିୟା ଜାରି କରିଛି । ଇରାନ ସର୍ବୋଚ୍ଚ ନେତା ଆୟାତୁଲ୍ଲା ଅଲି ଖମାନେଇ ନିଜ ବୟାନରେ କହିଛନ୍ତି ଯେ ହେଜବୁଲ୍ଲାକୁ ଇସ୍ରାଏଲ କେବେ ଶେଷ କରିପାରିବ ନାହିଁ । 

ଉଲ୍ଲେଖଯୋଗ୍ୟ ଯେ ବେରୁଟ ଆକ୍ରମଣ 20 ଘଣ୍ଟା ପରେ ନସରଲ୍ଲାଙ୍କ ମୃତ୍ୟୁ ଖବରକୁ ହେଜବୁଲ୍ଲା ସ୍ପଷ୍ଟ କରିଥିଲା । ହେଜବୁଲ୍ଲା ବୟାନ ଜାରି କହିଥିଲା ଯେ ଶୁକ୍ରବାର ରାତିରେ ହୋଇଥିବା ଇସ୍ରାଏଲୀ ସେନାର ଆକ୍ରମଣରେ ମହାସଚିବ ହସନ ନସରଲ୍ଲାଙ୍କ ମୃତ୍ୟୁ ହୋଇଛି । ଇସ୍ରାଏଲୀ ସମାଚାର ଏଜେନ୍ସି ଅନୁସାରେ ବେରୁଟରେ ହେଜବୁଲ୍ଲା ମୁଖ୍ୟାଳୟ ଉପରେ  ଇସ୍ରାଏଲୀ ସେନା 80 ଟନର ବୋମା ବ୍ୟବହାର କରିଥିଲା । ବିସ୍ଫୋରଣ ବେଳେ ନସରଲ୍ଲୁ ସେଠାରେ ଉପସ୍ଥିତ ଥିଲା । ଏହି ଆକ୍ରମଣ ୟୁଏନଜିସିରେ ନେତାନ୍ୟାହୁଙ୍କ ଭାଷଣର କିଛି ସମୟର ପରେ ହୋଇଥିଲା ।